14.05.2026 | 18:47
Ընտրակաշառք, փախուստի փորձ․ ՆԳՆ-ն 49-ամյա տղամարդու է ձերբակալել
Մեկնարկում է Աբովյանի ամենամյա թատերական փառատոնը
Մշակույթ
07.10.2019 | 15:12
Հայաստանի թատերական գործիչների միությունից տեղեկացնում են, որ ՀԹԳՄ-ն Աբովյանի համայնքապետարանի աջակցությամբ ս/թ հոկտեմբերի 7-11-ը Աբովյանում կանցկացնի Աբովյանի ամենամյա թատերական փառատոնը:
Փառատոնը նպատակ ունի աշխուժացնել թատերական կյանքը Կոտայքի մարզում, թատերասեր հանրությանը հաղորդակից դարձնել թատերարվեստի զարգացումներին, սևեռել ուշադրությունը դեպի թատրոն:
Ներկայացումները տեղի կունենան Աբովյանի դրամատիկական թատրոնի բեմում:
Փառատոնի շրջանակում Երևանի թատրոնների մասնակցությամբ նախատեսված է վեց ներկայացում` Ա․ Պապայանի «Գնա մեռի, արի սիրեմ» (Հ․ Պարոնյանի անվան երաժշտական կոմեդիայի թատրոն), Հ․ Թումանյանի «Հեքիաթներ» (Հ.Մալյանի անվան թատրոն), Ա․ Այվազյանի «Դիպլիպիտո» (Ալավերդու քաղաքային թատրոն), Վ․ Պետրոսյանի «Վերջին ուսուցիչը» (Պատանի հանդիսատեսի թատրոն), Պ․ Գլադիլինի «Ուրիշ մարդը» (Կ. Ստանիսլավսկու անվան ռուսական թատրոն), Ու․ Շեքսպիրի «Օթելլո» (Ուսանողական թատրոն), Հ․ Թումանյանի «Անուշ» (Կամերային երաժշտական թատրոն):
Ներկայացումների մուտքն ազատ է:
