04.08.2026 | 23:08
Հաշտարարների պալատի կրթական ծրագիրը ստացել է պետական երաշխավորում
ԲՀԿ-ից ոչ մեկը Հրայր Թովմասյանի երկրպագուների ակումբի անդամ չէ. Իվետա Տոնոյան. ՏԵՍԱՆՅՈՒԹ
Քաղաքականություն
07.10.2019 | 11:30
ԲՀԿ խմբակցության ղեկավար Գագիկ Ծառուկյանն առավել քան հստակ նշեց, որ ՍԴ նախագահ Հրայր Թովմասյանի լիազորություններին վերաբերող նախագծի շուրջ քվեարկությանը չմասնակցելու դիրքորոշումը պայմանավորված է բացառապես այդ փաստաթղթի՝ իրավական առումով ոչ լիարժեքությամբ: Խորհրդարանական ճեպազրույցների ժամանակ այս մասին հայտարարեց ԱԺ «Բարգավաճ Հայաստան» խմբակցության պատգամավոր Իվետա Տոնոյանը:
«Այս օրերի ընթացքում մենք բազմաթիվ անգամներ խոսել ենք, ասել ենք, որ վերապահում ունենք փաստաթղթի ձևակերպումների մասով: Այսինքն՝ որևէ մեկը չի քննարկում Հրայր Թովմասյանի համապատասխանության կամ անհամապատասխանության հարցը, որպես ՍԴ նախագահ իր լիազորությունները կատարելու հարցում որքանով է նա կոմպետենտ կամ ոչ կոմպետենտ»,- նշեց նա:
Պատգամավորը հավելեց՝ բազմաթիվ անգամներ ասել են՝ «Հրայր Թովմասյանը ո՛չ մեր կուռքն է, մեզանից որևէ մեկն էլ նրա երկրպագուների ակումբի անդամ չի հանդիսանում»:
Մանրամասները՝ տեսանյութում:
