19.12.2025 | 19:10
Փարաքար համայնքին կվերադարձվի 0.2 հա մակերեսով հողամաս. Գլխավոր դատախազության հայցը բավարարվել է
Հրայր Թովմասյանի ՍԴ նախագահ ընտրվելը Սահմանադրության բռնաբարություն է. Արարատ Միրզոյան. ՏԵՍԱՆՅՈՒԹ
Քաղաքականություն
03.10.2019 | 17:46
ԱԺ նախագահ Արարատ Միրզոյանը զուսպ և հավասարակշռված է որակում «Իմ քայլը» խմբակցության՝ ՍԴ դատավոր Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին նախագիծը։
ԱԺ նախագահը ՍԴ-ի գործողություններում քաղաքական մոտիվացիա է նկատել այն պատճառով, որ ՍԴ-ն «Երևան քաղաքի ընդհանուր իրավասության դատարանի և Ռոբերտ Քոչարյանի դիմումների հիման վրա՝ Հայաստանի Հանրապետության Քրեական օրենսգրքի 300.1-րդ հոդվածի՝ Սահմանադրությանը համապատասխանության հարցը որոշելու վերաբերյալ» գործերով խորհրդատվական կարծիք ստանալու համար դիմել է Մարդու իրավունքների եվրոպական դատարանին և Վենետիկի հանձնաժողովին։
«Այդ ինչպե՞ս է ՍԴ-ն ՄԻԵԴ և Վենետիկի հանձնաժողովներ ուղարկել դիմումներ, երբ որ այդ գործի քննությունը կասեցված է եղել։ Պնդում եմ՝ սա ընթացակարգային սխալ չէ, սա ուներ քաղաքական մոտիվացիա։ Սա ուղղակի քավոր-սանիկի հարաբերություններ չեն, սա այն թիմի բանակցություններն են իրենց միջոցով Սահմանադրական դատարանի նախագահի հետ, ասում եմ՝ այստեղ կա քաղաքական մոտիվացիա, որն ամենևին էլ ՀՀ շահ չէր, ՍԴ-ի անկախությունը պահպանելը չէր, դա սեփական ռեժիմի փաստաբանության շարունակությունն էր։ Պնդում եմ՝ Հրայր Թովմասյանն ուներ և ունի քաղաքական մոտիվացիա, հետևաբար՝ չի կարող լինել ՍԴ նախագահ»,- իր ելույթում ընդգծեց խորհրդարանի նախագահը։
ԱԺ նախագահը Հրայր Թովմասյանի՝ ՍԴ նախագահ ընտրվելու խախատումների մասին խոսելիս հայտարարեց, որ «Սահմանադրությունը բռնաբարվել է»:
Մանրամասները՝ տեսանյութում:
Նարեկ Կիրակոսյան
