04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
Մյուս անգամ չփորձի մեզ համեմատել ադրբեջանցիների հետ. Արման Եղոյանը՝ Հրայր Թովմասյանին. ՏԵՍԱՆՅՈՒԹ
Քաղաքականություն
03.10.2019 | 16:08
«Իմ քայլը» խմբակցության կողմից ներկայացված՝ ՍԴ նախագահ Հրայր Թովմասյանի լիազորությունները դադարեցնելու հարցով Սահմանադրական դատարան դիմելու նախագծի քննարկման ժամանակ պատգամավոր Արման Եղոյանը, մեջբերումներ անեց Հրայր Թովմասյանի հարցազրույցից և դրանք բավական մտահոգիչ համարեց. «Եթե դա Հրայր Թովմասյանի լինել-չլինելու խնդիրը չէ, ապա ի՞նչ խնդիր է»:
Մեջբերելով Հրայր Թովմասյանի հարցազրույցից, թե «դա մեր սահմանի՝ ինձ վստահված տարածքն» է, Արման Եղոյանը նկատեց. «Սա ասում է այն մարդը, որը նեղսրտել է, երբ վարչապետը ՍԴ-ի այսօրվա վիճակը համեմատել է սեփականաշնորհված բուդկայի հետ: Հասանք. իրենք հայերն են սահմանի այս կողմում, մենք էլ՝ ադրբեջանցինե՞րը: Սա ի՞նչ բառապաշար է, ի՞նչ բաժանարար գիծ է: Չփորձեք մեզ համեմատել ադրբեջանցիների հետ, ձեզ էլ՝ դիրք պահող սահմանապահի հետ: Թող իր վրա շատ չվերցնի»:
Արման Եղոյանը տարակուսում է. «Այս երբվանի՞ց է ՍԴ դատավորը սկսել քաղաքականությամբ զբաղվել, իր ի՞նչ գործն է՝ Ղարաբաղի հարցը ոնց կլուծվի, այս ինչերի՞ց է խոսում վերջին դիրքապահը, Ղարաբաղի դիրքե՞րն էլ են իրեն վստահել: Բա իրեն վստահածներն ո՞ւր են հիմա, խի՞ իրենց պոստերը չպահեցին»:
Մանրամասները՝ տեսանյութում:
Նարեկ Կիրակոսյան
