06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Թովմասյանի կարգապահական խախտումը կապված է Քոչարյանի գործի հետ. Սուրեն Գրիգորյան. ՏԵՍԱՆՅՈՒԹ
Քաղաքականություն
03.10.2019 | 14:31
Ազգային ժողովում Հրայր Թովմասյանի լիազորությունները դադարեցնելու գործընթացի մեկնարկն ազդարարող նախագիծը քննարկելիս «Իմ քայլի» պատգամավոր Սուրեն Գրիգորյանը բացատրեց, թե ինչն են իրենք համարում Թովմասյանի կողմից էական կարգապահական խախտում, որի հիման վրա էլ սկսել են գործընթացը։
Նրա խոսքով՝ որպես կարգապահական խախտում դիտարկվում է ՍԴ վարույթ ընդունումն այն գործի, որի վերաբերյալ հայց է ներկայացրել երկրորդ նախագահ Ռոբերտ Քոչարյանը: Գրիգորյանը բացատրեց, որ այդ գործի քննությանը Թովմասյանը չպետք է մասնակցեր։
Եթե խորհրդարանը նախագիծն ընդունի, այն պետք է ուղարկվի Սահմանադրական դատարան: Նախագծի ընդունման համար անհրաժեշտ է 80 պատգամավորի ձայն, այսինքն՝ խորհրդարանականների ընդհանուր թվի 3/5-ը:
Վերջնական որոշումը պետք է ընդունի Սահմանադրական դատարանը՝ ձայների 2/3-ով:
Մանրամասները՝ տեսանյութում:
Նարեկ Կիրակոսյան
