01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Վերանորոգվել են դեպի ՀԱԷԿ տանող երկաթուղագծերը
Տնտեսություն
29.09.2017 | 20:31
«Հարավկովկասյան երկաթուղի» (ՀԿԵ) ընկերության մասնագետներն ավարտել են դեպի Հայկական ատոմային էլեկտրակայան (ՀԱԷԿ) տանող Արմավիր-Արշալույս երկաթուղային հատվածի վերանորոգումը: Նշված գծերը չէին շահագործվում 2011 թվականից:
«Վերանորոգման աշխատանքը, որը կատարում էին 33 երկաթուղային, սկսվեց հուլիսին: Արդյունքում վերականգնվել է 14 կմ գիծ, փոխվել 3.9 հազար կոճ: Աշխատանքները տարվում էին հատուկ երկաթուղային տեխնիկայի կիրառմամբ: Վերանորոգման ընթացքը ամեն շաբաթ հսկում էր հատուկ հանձնաժողովը՝ ՀԿԵ ՓԲԸ գլխավոր տնօրեն Սերգեյ Վալկոյի գլխավորությամբ: Վերանորոգված հատվածն արդեն ստուգել է հատուկ չափող վագոնը, ենթակառուցվածքը պատրաստ է բեռներ ընդունել», – հաղորդում է ՀԿԵ հասարակայնության հետ կապերի բաժինը:
Այսպիսով, ՀԿԵ-ն ավարտել է իր ենթակայության տակ գտնվող ենթակառուցվածքի արդիականացումը, իսկ ատոմակայանի տարածքով անցնող երկաթուղային գծերը վերանորոգում է ՀԱԷԿ-ի կողմից ներգրավված կապալառուն, նշված է հաղորդագրությունում:
ՀԿԵ-ն «Ռուսական երկաթուղիներ»-ի դուստր ընկերությունն է և իրականացնում է Հայաստանի երկաթուղային համակարգի կոնցեսիոն կառավարումը:
