27.09.2026 | 16:24
Ադրբեջանում երկրաշարժ է գրանցվել
Բելառուսի ԱԳՆ-ն երկրի տարածքում ռուսական ռազմաբազայի տեղակայումն անիմաստ է համարում
Քաղաքականություն
01.10.2019 | 11:55
Բելառուսի տարածքում ռուսական ռազմաօդային բազայի տեղակայումն անիմաստ է՝ և՛ գործնական, և՛ քաղաքական, և՛ ռազմական տեսանկյունից: RBK-ին տված հարցազրույցում այս մասին ասել է Բելառուսի ԱԳ նախարար Վլադիմիր Մակեյը:
Նրա խոսքով՝ նման հարց ռուս-բելառուսական հարաբերություններում չկա:
«Հաշվի առնելով ժամանակակից տեխնոլոգիաները՝ դրանում իմաստ չկա: Ինչո՞ւ Բելառուսի տարածքում ռազմաօդային բազա տեղակայել, եթե այսօր հրթիռները կարող են բառացիորեն հաշված րոպեների ընթացքում այլ մայրցամաք հասնել: Եթե Բելառուսն իր տարածքում ինչ-որ լրացուցիչ ռազմական օբյեկտներ տեղակայեր, չեմ կարծում, որ դա կնպաստեր մեր տարածաշրջանում կայունության և անվտանգության ամրապնդմանը»,- ասել է նախարարը:
Հարցին՝ արդյո՞ք Մինսկի որոշումը կապված չէ եվրոպական հարևանների դիրքորոշման հետ, Մակեյը պատասխանել է. «Բելառուսում երբեք սկզբունքային որոշումներ չեն կայացնի ինչ-որ արտաքին ուժերի ազդեցության տակ»:
Հիշեցնենք, որ ավելի վաղ «Կոմերսանտ»-ին տված հարցազրույցում ՌԴ ԱԳ նախարար Սերգեյ Լավրովը Բելառուսի կողմից իր տարածքում ռուսական բազայի տեղակայումից հրաժարումը «տհաճ դրվագ» էր կոչել: Բայց կարևորը, ըստ ռուսաստանցի դիվանագետի, այն է, որ Մինսկում հաստատում են Մոսկվայի հետ հարաբերությունների դաշնակցային բնույթը:
