14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրանը շուտով կներկայացնի «Հորմուզի խաղաղ նախաձեռնության» մանրամասները. Մուսավի
Քաղաքականություն
30.09.2019 | 12:18
«Հորմուզի խաղաղ նախաձեռնության» մանրամասները գրավոր կներկայացվեն առաջիկայում, հատկապես՝ 8 երկրներին, որոնք Իրանի կողմից հրավիրվել են՝ մասնակցելու այդ կոալիցիային: Այս մասին հայտարարել է Իրանի ԱԳՆ պաշտոնական ներկայացուցիչ Աբբաս Մուսավին, գրում է ԻՌՆԱ-ն:
Նախաձեռնության մասին Իրանի նախագահ Հասան Ռոհանին, հիշեցնենք, օրերս հայտարարել էր ՄԱԿ-ի Գլխավոր վեհաժողովի ժամանակ:
Մուսավին, միաժամանակ, ընդգծել է, որ «Հորմուզի խաղաղ նախաձեռնությունն» ուղղված է տարածաշրջանում խաղաղության և անվտանգության ապահովմանը:
Անդրադառնալով Իրաքի վարչապետ Ադել Աբդել Մահդիի՝ Թեհրան հնարավոր այցին՝ Իրանի և Սաուդյան Արաբիայի միջև լարվածության թուլացման գործում միջնորդության նպատակով, Մուսավին ասել է, որ «Իրանը ողջունում է այդ ջանքերը, բայց մյուս կողմը դեռ պատրաստ չէ դրան»:
«Երբ մյուս կողմը մեզ դրական ազդակներ կուղարկի, մենք կպատասխանենք դրանց»,- ասել է Իրանի ԱԳՆ ներկայացուցիչը:
