06.06.2026 | 19:05
Բիթքոյնը կորցնում է գրավչությունը․ ներդրողները նախընտրում են AI ընկերություններն ու խոշոր IPO-ները
ԱՄՆ-ում թարգմանաբար հրատարակվել է հայկական դասագիրք
Հասարակություն
29.09.2019 | 15:17
Արևելագիտության բնագավառում մասնագիտացող ամերիկյան առաջատար «Գորգիաս Պրես» հրատարակչությունը լույս է ընծայել ԵՊՀ արևելագիտության ֆակուլտետի դասախոս, բանասիրական գիտությունների թեկնածու Արման Հակոբյանի «Դասական ասորերեն» դասագիրքը:
Դասագիրքը հայերեն լույս է տեսել Երևանում 2005 թ.: 2010 թ. ռուսերեն թարգմանությամբ այն հրատարակել է Ռուսաստանի խոշորագույն՝ «ԱՍՏ-Պրես» հրատարակչությունը. դա ասորերենի ռուսալեզու առաջին և միակ դասագիրքն է:
2017 թ. «Գորգիաս Պրես»-ը հրատարակել էր նաև Ա. Հակոբյանի «Արամեագիտության և ասորագիտության ներածություն»-ը, որը դարձել էր Հայաստանից դուրս թարգմանաբար հրատարակված առաջին հայալեզու դասագիրքը:
Ա. Հակոբյանը Հայաստանում նաև եբրայագիտության հիմնադիրն է: 2003 թ. լույս է տեսել և այս տարի վերահրատարակվել է նրա «Արդի եբրայերեն» դասագիրքը:
