05.03.2026 | 15:44
Արշակ արքեպիսկոպոս Խաչատրյանը կալանքից ազատ է արձակվել․ փաստաբան
Արամ Մանուկյանը հոկտեմբերի 1-ից աշխատանքից կազատվի. թաղապետը նոր տեղակալի մի քանի թեկնածու ունի
Քաղաքականություն
28.09.2019 | 11:51
Լուրեր
05.03.2026 | 15:25
Ֆիշինգային հարձակում ՔԿՀ-ների դեմ // Իրանական ԱԹՍ-ն հարվածել է Նախիջևանին․ ԼՈՒՐԵՐ
05.03.2026 | 15:05
Ինչու է ոստիկանությունը հսկում Մասյացոտնի թեմը. Փաշինյանի պարզաբանումը․ ՏԵՍԱՆՅՈՒԹ
Երեւան քաղաքի Աջափնյակ վարչական շրջանի ղեկավարի տեղակալ Արամ Մանուկյանի աշխատանքից ազատվելու դիմումը վարչական շրջանի ղեկավարի կողմից մակագրվել է: Թաղապետի տեղակալը հոկտեմբերի մեկից աշխատանքից ազատվելու դիմում էր ներկայացրել: Այս մասին Factor.am-ին տեղեկացրեց վարչական շրջանի ղեկավար Գեւորգ Բաբյանը:
«Դիմումը սեպտեմբերի 25-ին է գրել, ես մակարգրել եմ, բայց երեք օր ժամանակ կա, որ կարող է գալ եւ դիմումը հետ վերցնի: Նա չի ասել, թե ինչ պատճառով է հեռանում: Տեղակալի մի քանի նոր թեկնածուներ կան, բայց վերջնական ընտրություն չեմ կատարել»,- ասաց Գեւորգ Բաբյանը:
Հիշեցնենք, որ Աջափնյակ վարչական շրջանի ղեկավարի տեղակալը հաճախակի էր հայտնվում քննարկումների կենտրոնում՝ ֆեյսբուքյան գրառումների պատճառով: Նա քննադատել էր ԱԱԾ նախկին տնօրեն Արթուր Վանեցյանին, որից հետո մի քանի օր աշխատանքի չէր ներկայացրել:
Ավելի վաղ նա աղմկոտ գրառում էր կատարել՝ հայտնելով, որ Աջափնյակ վարչական շրջանի ղեկավարն «անինքնասեր է, անթասիբ, և նա ցանկություն չունի աշխատել նման ղեկավարի հետ»:
Ավելի ուշ, սակայն, Արամ Մանուկյանը հայտարարեց, որ իր հեռախոսը գողացել են և նման գրառում կատարել: Վերջերս էլ նա վարչապետ Նիկոլ Փաշինյանին ուղղված գրառումներ էր կատարում: Մասնավորապես, գրում էր, որ Ամուլսարի հանքի շահագործման դեպքում պատրաստվում է ցույցեր անել:
Նարեկ Կիրակոսյան
