13.01.2026 | 14:10
Արման Ծառուկյանը պատմել է՝ որ դեպքում կփոխի քաշային կարգը
Քննիչին ձերբակալել են կաշառք ստանալու կասկածանքով, սակայն որևէ ապացույց չկա այդ մասին
Հասարակություն
28.09.2017 | 19:49
Հատուկ քննչական ծառայությունում քննվող կաշառքի վերաբերյալ քրեական գործի շրջանակներում կալանավորված փաստաբան Գայանե Գալոյանի գործով նախօրեին իր իսկ աշխատասենյակում քննիչ է ձերբակալվել:
«Փաստինֆո»-ի թղթակիցը ձերբակալված քննիչի պաշտպան Հրանտ Անանյանից տեղեկացավ, որ քննիչին ձերբակալել են լիովին անսպասելի և ոչ իրավաչափ հիմքով՝ իբրև վերջինս ենթադրյալ հանցագործության բացահայտման մասին իմանալով կարող է դիմել փախուստի։
Անանյանը նշեց նաև, որ իրականում փաստաբան Գալոյանի ձերբակալումից հետո քննիչը շուրջ 20 օր պարտաճանաչ եկել է աշխատանքի և չի թաքնվել: Միևնույն ժամանակ նրան չեն ծանուցել որև ձևով, գտնվել իր առօրյա միջավայրում։
Հարցին, թե ինչ կասկածանքով է նա ձերբակալվել Անանյանը նշեց, որ քննիչը կասկածվում է իբր կաշառք ստանալու մեջ, սակայն գեթ մեկ ապացույց այդ մասին չկա, ընդամենը ենթադրություններ են մեղադրական բնույթի։ Անգամ ձերբակալման փաստաթղթերում նշված չէ կոնկրետ հիմք:
Նշենք, որ քննիչը ձերբակալվել է երեկ երեկոյան՝ ժամը 19:00-ի սահմաններում:
Փաստաբանից տեղեկացանք նաև, որ ձերբակալման որոշումն արդեն բողոքարկվել է:
