08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
85-90 հազար դրամ ստացող փրկարարներն այսուհետ կստանան 130 հազար դրամ աշխատավարձ․ ՏԵՍԱՆՅՈՒԹ
Քաղաքականություն
26.09.2019 | 12:36
Կառավարության սեպտեմբերի 26-ի նիստում ընդունվեց որոշման նախագիծ, որով առաջարկվում է բարձրացնել ԱԻՆ շարքային ծառայության աշխատողների աշխատավարձը՝ 85-90 հազարից դարձնելով 130 հազար դրամ։
Նախագծի ընդունումը պայմանավորված է փրկարարական, վթարային փրկարարական, անհետաձգելի վթարավերականգնողական և հրդեհաշիջման աշխատանքների անմիջական դերակատարություն ունեցող՝ փրկարարական ծառայողների համար հավելումների վճարման իրավական հիմք ստելծելու անհրաժեշտությամբ:
Փրկարարական ծառայողներին արտաժամյա, գիշերային ժամերին, հանգստյան, տոնական օրերին աշխատանքի համար, ինչպես նաև ծանր, վնասակար, առանձնապես ծանր, առանձնապես վնասակար աշխատանքներ կատարելու դեպքերում հավելավճարներ չեն տրվում:
Ներկա դրությամբ փրկարարական, վթարային փրկարարական, անհետաձգելի վթարավերականգնողական և հրդեհաշիջման աշխատանքների անմիջական՝ հատուկ պայմաններում ծառայություն կատարող փրկարարական ծառայության կրտսեր խմբի ծառայողների (մաքուր) աշխատավարձերը կազմում են 85.000-ից 90.000 ՀՀ դրամի սահմաններում, իսկ նախագծի ընդունումից հետո այն կհասնի 130 հազար դրամի։
Մանրամասները՝ տեսանյութում։
