09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Թրամփի հետ չհանդիպելու՝ Ռոհանիի որոշումն Իրանում ռացիոնալ են անվանել
Քաղաքականություն
26.09.2019 | 11:50
Իրանի նախագահ Հասան Ռոհանիի՝ ԱՄՆ նախագահի հետ չհանդիպելու որոշումը ռացիոնալ է: Այս մասին հայտարարել է Իրանի ԱԳՆ պաշտոնական ներկայացուցիչ Աբբաս Մուսավին. գրում է ԻՌՆԱ-ն:
«Երկրի բոլոր կուսակցությունները միակարծիք են, որ քաղաքական և ռազմավարական առումով, Իրանի նկատմամբ ԱՄՆ-ի առավելագույն ճնշման և տնտեսական ահաբեկչության պայմաններում, որոնք խախտում են ավելի քան 83 մլն իրանցիների իրավունքները, ԱՄՆ ահաբեկչական ռեժիմի առաջնորդների հետ ոչ միայն բանակցություններ, այլև պարզ հանդիպումներ չպետք է անցկացվեն»,- նշել է նա:
Մուսավիի խոսքով՝ առավելագույն ճնշման դեմ իրենց ռազմավարությունն առավելագույն և ակտիվ դիմակայությունն է:
Ըստ իրանցի դիվանագետի՝ Իրանը ցույց տվեց, որ երկխոսում է, չի վախենում բանակցություններից և միշտ ձգտում է տարածաշրջանում և ամբողջ աշխարհում կայունության և խաղաղության:
