ԼՀԿ-ն առաջարկում է փոխհատուցում տալ նաեւ այն զոհված զինծառայողների ընտանիքին, որոնք չունեն ամուսնության կամ ծննդյան վկայական

Ազգային ժողովի «Լուսավոր Հայաստան» խմբակցություն առաջարկում է լրացումներ կատարել «Զինվորական ծառայության և զինծառայողի կարգավիճակի մասին» ՀՀ օրենքում, որի համաձայն՝ միանվագ դրամական օգնություն կտրվի նաեւ այն զինվորականների ընտանիքի անդամներին, որոնք չունեն ամուսնության կամ ծննդյան վկայականներ, որը կհաստատի զոհված զինծառայողի եւ ընտանիքի անդամի կապը:

Գործող օրենսդրությամբ միանվագ դրամական օգնությունը տրամադրվում է զինվորական ծառայության ընթացքում զոհված կամ մահացած զինծառայողի ընտանիքի միայն այն անդամներին, ովքեր ներկայացրել են «Քաղաքացիական կացության ակտերի մասին» Հայաստանի Հանրապետության օրենքով սահմանված կարգով տրված ամուսնության կամ ծննդյան վկայական:

ԼՀԿ-ի նախագծում նշված է, որ ոչ բոլոր քաղաքացիներն են իրենց փաստացի ամուսնության եւ ընտանիք կազմելու փաստը հաստատում ՔԿԱԳ մարմնում:

Այսպիսով, տվյալ քաղաքացիները զրկվում են դրամական օգնություն ստանալու իրավունքից:

Ընդդիմադիր խմբակցությունն առաջարկվում է հետեւյալ լուծումը. զինծառայողնների ընտանիքների այն անդամնները, ովքեր չունեն օրենքով սահմանված կարգով տրված ամուսնության կամ ծննդյան վկայական, չեն զրկվի դրամական օգնություն ստանալու իրավունքից, եթե Հայաստանի Հանրապետության օրենսդրությամբ սահմանված կարգով հաստատել են իրենց փաստացի ամուսին, զավակ կամ ծնող լինելու փաստը:

Այն է՝ դատական կամ նոտարական կարգով հաստատել իրենց ամուսին, զավակ կամ ծնող լինելու փաստը եւ համապատասխան փաստաթղթի հիման վրա ստանալ դրամական օգնություն Նախագիծը քննարկվել է նաեւ կառավարությունում:

Գործադիր մարմնի եզրակացությամն համաձայն՝ նախագծի ընդունումը չի հանգեցնի ՀՀ պետական բյուջեի եկամուտների նվազեցման, բայց ընդունումը կհանգեցնի ՀՀ պետական բյուջեի ծախսերի ավելացման, որի չափը հնարավոր չէ գնահատել՝ համապատասխան տեղեկատվության բացակայությամբ պայմանավորված: Որաշման նախագիծն ընդգրկված է կառավարության վաղվա նիստի օրակարգ:

Նարեկ Կիրակոսյան