27.09.2026 | 19:33
Վանաձորում, Հրազդանում և Արարատում օդում փոշու պարունակությունը գերազանցել է թույլատրելի սահմանը
Կառավարությունը Հանրային ՀՌԸ խորհրդին 17 մլն 922 հազար դրամ կհատկացնի
Քաղաքականություն
25.09.2019 | 21:13
Կառավարության պահուստային ֆոնդից Հանրային հեռուսառադիոընկերություն ՓԲԸ-ին 17 մլն 922 հազար դրամ է հատկացվելու: Գումարը փոխանցվում է «Հասարակական կարծիքի ուսումնասիրման կենտրոն» փակ բաժնետիրական ընկերության շրջանառության հարկի, տույժերի և տուգանքների գծով առաջացած պարտավորությունը վճարելու նպատակով:
Այս մասին Factor.am-ը տեղեկանում է համապատասխան որոշման նախագծից:
Հիշեցնենք, որ «Հասարակական կարծիքի ուսումնասիրման կենտրոն» փակ բաժնետիրական ընկերությունը լուծարվել էր այս տարվա հունվարին՝ կառավարության որոշմամբ:
Որոշման հիմնավորման համաձայն՝ «Հասարակական կարծիքի ուսումնասիրման կենտրոն»-ը լուծարելու նախաձեռնությունը պայմանավորված է այն հանգամանքով, որ համանման ծառայություններ մատուցող մասնավոր ընկերություններից պայմանագրային հիմունքներով ծառայություններ ձեռք բերելու դեպքում ՀՀ պետական բյուջեից կծախսվի անհամեմատ ավելի քիչ գումար, քան այն գումարն է, որը պետբյուջեից յուրաքանչյուր տարի տրվում է «Հասարակական կարծիքի ուսումնասիրման կենտրոն»-ին՝ ընթացիկ ծախսերը հոգալու և կանոնադրական խնդիրները լուծելու համար:
Նարեկ Կիրակոսյան
