02.07.2026 | 16:20
Կալլասը խոստանում է ԵՄ նոր պատժամիջոցներ ՌԴ-ի նկատմամբ՝ Կիևին ռուսական հարվածներից հետո
Հայաստանում օրական 15 հազար դրամով այդ աշխատանքն անող մի քաղաքացի չգտանք, դա արեցին հնդիկները․ Փաշինյան․ ՏԵՍԱՆՅՈՒԹ
Հասարակություն
25.09.2019 | 13:40
Հայաստանում բարձր գործազրկության մակարդակ կա, իսկ վերջին մեկ տարվա ընթացքում ես քննադատվել եմ այն բանի համար, որ պնդել եմ՝ բազմաթիվ թափուր աշխատատեղերի գոյության պատճառներից մեկն էլ այն է, որ մարդիկ նախընտրում են չաշխատել, որպեսզի չկտրվեն նպաստից։
Այս մասին Նյու Յորքում հայ համայնքի հետ հանդիպման ժամանակ, պատասխանելով ՀՀ-ում գործազրկության մակարդակի մասին հարցին, ասաց վարչապետ Նիկոլ Փաշինյանը։
Վերջինս նշեց, որ վերջին շրջանում հանդիպել է բազմաթիվ գործարարների հետ ու լսել նրանց մտահոգություններն այն մասին, որ գործ ունեն, բայց աշխատող գտնել չեն կարողանում։
«Խոշոր գործարարներից մեկը, օրինակ, ասաց, որ Եվրոպայից է մասնագետ բերում Հայաստան, վճարում է միջին հայաստանյանից տասը անգամ ավելի աշխատավարձ, որպեսզի ելակի ջերմոցներում աշխատեն։ Երբ ես համոզվեցի, որ ՀՀ-ում թափուր աշխատատեղեր կան, Աշխատանքի և սոցիալական հարցերի նախարարությանը հանձնարարեցի կապվել գործարարների հետ՝ հասկանալու համար, թե ի՞նչ աշխատատեղեր կան և պարզվեց կա 7000 աշխատատեղ»,- ասաց Փաշինյանը։
Վարչապետն անդրադարձավ վերջերս «Ձյունիկ» սառնարանում բռնկված հրդեհին ու դրա հետևանքով հարյուրավոր տոննա փչացած մսամթերքը սառնարանից դուրս հանելու խնդրին։
«Մենք ֆինանսավորեցինք, որ այդ փչացած մասամթերքն այնտեղից հեռացնեն, մենք ասում էինք մարդկանց վճարեք օրական 5000 կամ 10000 դրամ, թող անեն։ Երկար ժամանակ չէր ստացվում մարդ գտնել և այդ աշխատանքն արեցին Հնդկաստանի քաղաքացիները։ ՀՀ-ում մի մարդ չգտնվեց, որ գա 5000, 1000, 15000 դրամով այդ աշխատանքն անի»,- ասաց Փաշինյանը։
Մանրամասները՝ տեսանյութում։
