14.01.2026 | 12:16
Դրվում է նոր ժամանակաշրջանի մեկնարկը, որտեղ ՀՀ-ն կտեսնենք տնտեսական հանգույց տարածաշրջանի համար․ Քրիստինա Քվին․ ՏԵՍԱՆՅՈՒԹ
Ղարաբաղյան հակամարտությունը շարունակում է լուրջ սպառնալիք մնալ ՀԱՊԿ անդամ պետությունների համար. Անատոլի Սիդորով
Քաղաքականություն
24.09.2019 | 20:15
Ղարաբաղյան հակամարտությունը շարունակում է լուրջ սպառնալիք մնալ Հավաքական անվտանգության պայմանագրի կազմակերպության (ՀԱՊԿ) անդամ պետությունների համար: Մոսկվա-Երևան-Մինսկ-Նուր Սուլթան-Բիշքեկ տեսակամուրջի ժամանակ այս մասին ասել է ՀԱՊԿ Միացյալ շտաբի պետ, գեներալ-գնդապետ Անատոլի Սիդորովը:
Նա նշել է, որ նկատվում է հակամարտության խաղաղ կարգավորման բանակցային գործընթացի ակտիվացում, սակայն լիարժեք զինադադարի համար դեռ շատ անելիք կա:
«Եվ մինչև դա տեղի չունենա, ղարաբաղյան հակամարտությունը կմնա տարածաշրջանային անվտանգությանն ուղղված սպառնալիքի հիմնական աղբյուրը»,- հավելել է նա:
Հարավային Կովկասում անվտանգությանն ուղղված սպառնալիքի երկրորդ աղբյուրը բարձրաստիճան զինվորականը համարում է Վրաստանի ղեկավարությունը գործունեությունը, որը բացահայտորեն հանդես է գալիս տարածաշրջանում Ռուսաստանին հակազդելու դիրքերից: Իսկ Վաշինգտոնն ու նրա դաշնակիցներն իրենց հերթին, ըստ Սիդորովի, ակտիվորեն աջակցում են Թբիլիսիին, կատարելագործում են ռազմական ենթակառուցվածքները:
ՀԱՊԿ Միացյալ շտաբի պետի խոսքով՝ ամերիկյան ռազմանավերը հաճախ Սև ծով են մտնում և այնտեղ զորավարժություններ անցկացնում, բացի այդ՝ ԱՄՆ-ի և ՆԱՏՕ-ի հովանու ներքո Վրաստանի տարածքում պարբերաբար զորավարժություններ են անցկացնում, որոնց սցենարն ու նպատակն ուղղված են ՌԴ-ին հակազդելուն:
