27.09.2026 | 14:38
Համաշխարհային օլիմպիադա. Հայաստանի հավաքականները հաղթեցին վերջին տուրում
«Իշխանությունը հանրապետականների հիմնած կանոնակարգին հարմարված աշխատում է». Էդմոն Մարուքյան. ՏԵՍԱՆՅՈՒԹ
Քաղաքականություն
24.09.2019 | 16:34
Նոր խորհրդարանն իր ամբողջ պոտենցիալով դեռ չի աշխատել: Իշխանությունը հանրապետականների հիմնած կանոնակարգին հարմարված աշխատում է: Այս մասին այսօր՝ «ԱԺ մոնիթորինգ. 7-րդ գումարման ԱԺ-ի 2-րդ նստաշրջանի դիտարկման արդյունքները» թեմայով քննարկման ընթացքում նշեց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Պետք է այստեղ հաշվի առնենք, որ 132 պատգամավորներից 102-ը, եթե չեմ սխալվում, առաջին անգամ են պատգամավոր, հետևաբար, այստեղ նաև ինստիտուցիոնալ հիշողության խնդիր կա, հունի մեջ ընկնելու խնդիր։ Կարծում եմ՝ ընթացքում ավելի կակտիվանա և կաճի պատգամավորների նախաձեռնությունների թիվը»,- ընդգծեց Մարուքյանը:
Ընդդիմադիր պատգամավորը հավելեց, որ խորհրդարանի այժմյան կանոնակարգը վերանայել է պետք. «Պետք է ասեմ, որ այս կանոնակարգ-օրենքը շատ վատն է և այն ժամանակ էլ դեմ եմ քվեարկել։ Գերմանական օրինակը բերեմ. երբ Բունդեսթագը նոր է ընտրվում, իրենք մի հատ նայում են կանոնակարգը՝ ուզո՞ւմ են դրանով աշխատեն, թե՝ ոչ, եթե բաներ կա, փոխում են, նոր են սկսում տարին։ Մենք եկել ենք հանրապետականների գրած կանոնակարգով աշխատում ենք, տենց հաշտ ու խաղաղ ու հարմարվել ենք այդ ֆորմատի հետ։ Սա նաև վերաբերում է սուպերվարչապետական համակարգին։ Այդ կանոնակարգն այնպես է գրված, որ միշտ հօգուտ քաղաքական մեծամասնության է, սա պետք է վերանայել»։
Մանրամասները՝ տեսանյութում:
Նելլի Մելքոնյան
