27.09.2026 | 12:36
ՏԻՄ ընտրությունների շրջանակում շրջիկ սպասարկման գրասենյակները ծառայություններ են մատուցում Լոռու և Կոտայքի մարզերում
Ամեն ասված բան վնասում է սպային, որը պատիվ ունի. Ալեն Սիմոնյան. ՏԵՍԱՆՅՈՒԹ
Քաղաքականություն
24.09.2019 | 15:53
Արթուր Վանեցյանի երեկվա հայտարարությունը բացասական եմ համարում և գտնում եմ, որ սպան, որն իր տեքստն ավարտում է «Պատիվ ունեմ» արտահայտությամբ, պետք է գիտակցի, որ իրեն պետք է թույլ չտա նման ոճով աշխատել, իսկ նրա պաշտոնը զբաղեցրած պաշտոնյան՝ առավել ևս։
Այս մասին այսօր Ազգային ժողովում լրագրողների հետ զրույցում ասաց ԱԺ փոխնախագահ Ալեն Սիմոնյանը՝ նշելով, որ թեև Վանեցյանն իր ընկերն է, բայց, միևնույնն է, եթե արված հայտարարությունը սխալ է, ապա պետք է նրան այդ մասին ասել։
Անդրադառնալով այն դիտարկումներին, որ Արթուր Վանեցյանը կարող է ներգրավված լինել դավադրությունների մեջ կամ, օրինակ, մաս կազմել հեղաշրջման, Սիմոնյանը պատասխանեց․ «ՀՀ-ում կա ժողովրդավարության ամենաբարձր աստիճանը, հետևաբար, հեղաշրջման մասին խոսելը խելագարության կանխավարկածից բխող մի բան է և աբսուրդ։ Դա նույնն է, որ քարով տանկին խփեն»։
Սիմոնյանը վստահեցրեց նաև, որ ԱԱԾ տնօրենը պետք է բոլոր պարագաներում պահպաներ լռություն, քանի որ մենք դա չպահելու պարագայում գործ ունենք ազգային անվտանգության խնդրի հետ։
«Ենթադրում եմ, որ օրենքով էլ է նախատեսված, որ նման բան անել չի կարելի»,- ասաց Սիմոնյանը՝ հավելելով՝ ամեն ասված բան վնասում է սպային, որը պատիվ ունի ։
Մանրամասները՝ տեսանյութում։
