17.11.2024 | 11:44
Եթե ՀՀ-ն չի ցանկանում մասնակցել COP29-ին, ուրեմն որոշակի խնդիրներ ունի «կանաչ օրակարգի» հետ․ Հաջիև
ՀՀ կառավարությունն ի վիճակի է իրականացնել նույնքան մասշտաբային ծրագրեր, որքան իրականացրել է «Լինսի» հիմնադրամը․ Փաշինյան
Քաղաքականություն
23.09.2019 | 15:03
Հեղափոխությունից մեկ տարի անց ՀՀ կառավարությունն ի վիճակի է իրականացնել նույնքան մասշտաբային ծրագրեր, որքան իրականացրել է «Լինսի» հիմնադրամը: Առաջիկա տարիներին ՀՀ-ում նորոգելու ենք հազարավոր կիլոմետրեր ավտոճանապարհներ, դպրոցներ, կառուցելու ենք մանկապարտեզներ:
Այս մասին այսօր Լոս Անջելեսի Գրանդ Փարքում կայացած հանրահավաքի ժամանակ ասաց վարչապետ Նիկոլ Փաշինյանը՝ անդրադառնալով ՀՀ-ի տնտեսության զարգացման ընթացքին։
Ըստ Փաշինյանի, թեև Կառավարությունն ի վիճակի է մաստաբային նախագծեր իրականացնել, սակայն դա չի նշանակում, որ Սփյուռքը Հայաստանում անելիք չունի։
«Եկել է ժամանակը, որ Սփյուռքի ներդրողները ևս մեկ քայլ անեն և մտածեն ՀՀ-ում տնտեսական ներդրումներ անելու, շահույթ ստանալու, Հայաստանում հարստանալու և Հայաստանը հարստացնելու մասին: Ես հույս ունեմ, որ ինչպես Սփյուռքը կանգնեց ՀՀ-ում տեղի ունեցող քաղաքական հեղափոխության կողքին, այնպես էլ Սփյուռքը կկանգնի ՀՀ-ում տեղի ունեցող տնտեսական հեղափոխության կողքին»,-ասաց Փաշինյանը։
ՀՀ վարչապետի խոսքով՝ ինքը հույս ունի, որ Սփյուռքի մեր հայրենակիցները, գործարարները իրենց ուշադրությունը կկենտրոնացնեն Հայաստանի վրա և իրենց գործունեությամբ կտեղափոխեն Հայաստան:
