Ես Եռաբլուր այցելած երիտասարդներին պատահական եմ հանդիպել. Արծրուն Հովհաննիսյանն՝ ի պատասխան Վարուժան Ավետիսյանի գրառման

ՀՀ ՊՆ խոսնակ Արծրուն Հովհաննիսյանը պատասխանել է «Սասնա Ծռեր» կուսակցության նադամ Վարուժան Ավետիսյանի գրառմանը, որով վերջինս Հովհաննիսյանին մեղադրում էր ռևանշիստական-քոչարյանական միջոցառմանը մասնակցելու համար:

«Ես որպես անհատ և որպես ՀՀ ՊՆ մամուլի քարտուղար մշտապես այցելում եմ եռաբլուր, դա անում եմ ոչ միայն ղեկավարության հետ այլ նաև առանձին, օրվա ցանկացած ժամին: Ես երբեք որևէ առիթով որևէ ներքաղաքական գործընթացի չեմ խառնվել և չեմ խառնվում, քանի որ երդում եմ տվել ծառայել Հայրենիքիս. Հայաստանի Հանրապետությանը: Այդ ծառայությունը չի ճանաչում որևէ քաղաքական գույն ու կողմնորոշում: Հաշվի առնելով այդ ամենը և ի տարբերություն այն մարդկանց ու սպաներին, որոնք մոռացել են, որ ծառայության ժամանակ պետք է ծառայել առանձ քաղաքական բաժանումների, ես եռաբլուր այցելած երիտասարդներին պատահական հանդիպել եմ Եռաբլուրում, նախկինում չեմ հանդիպել որևէ անգամ, որևէ այլ ակցիայի նրանց հետ չեմ մասնակցել: Նրանց մոտ չեմ տեսել որևէ քաղաքական լոզունգ, խոսք, պաստառ: Նրանց հետ մոմ եմ վառել մեր հերոսների գերեզմաններին: Բոլոր հերոսների, նորից առանց որևէ երանգավորման: Մոմավառությունը եղել է առանց որևէ քաղաքական խոսքի, կոչի, լոզունգի ու առանց որևէ մեկի անուն հնչեցնելու: ՀՀ ՊՆ-ը և ես միշտ ողջունել ենք ու ողջունում ենք երիտասարդների անկեղծ հայրենասիրական մղումները, եռաբլուրը բաց է բոլորի համար, քանի որ այնտեղ քաղաքականություն չի կարող լինել»,- գրել է Արծրունը Հովհաննիսյանը:

Հիշեցնենք, որ Վարուժան Ավետիսյանը իր հայտարարության մեջ ասել էր.