02.07.2026 | 14:22
ԵՄ մակարդակով պատրաստվում են երեխաների համար սոցցանցեր մուտքի արգելք սահմանել
Ունեմ տվյալներ, որ Սերժ Սարգսյանի եղբոր ընտանիքին պատկանող կազմակերպությանը վերադարձվելու է 1․5 միլիարդ դրամ․ Մանե Թանդիլյան․ ՏԵՍԱՆՅՈՒԹ
Քաղաքականություն
23.09.2019 | 11:32
Ազգային ժողովում այսօր՝ սեպտեմբերի 23-ին, շարունակվում է արտահերթ նիստը, որի օրակարգում միայն Հարկային օրենսգիրքը երկրորդ ընթերցմամբ ընդունելու մասին հարցն է։
Նշենք, որ ՀՕ-ում առաջարկվող փոփոխություններով նախատեսվում է ավելի քան 56 մլրդ դրամ ավելացված արժեքի հարկի դեբետային մնացորդները վերադարձնել տնտեսվարողներին։
«Լուսավոր Հայաստան» խմբակցության պատգամավոր Մանե Թանդիլյանը պատգամավորներին կոչ արեց նախ հասկանալ, թե որ տնտեսվարողներին են փոխանցվելու այդ գումարները, հետո նոր քվեարկել։
Ըստ Թանդիլյանի՝ իր տեղեկություններով, այդ գումարները վերադարձվելու են խոշոր տնտեսվարողների, որոնց թվում է նաև Սերժ Սարգսյանի եղբոր ընտանիքին պատկանող կազմակերպություններից մեկը, որն այս պահին լուծարման գործընթացում չէ։
«Ես ունեմ տվյալներ, որ այդ գումարներից զգալի գումար՝ 1,5 միլիարդ դրամ վերադարձվելու է Սերժ Սարգսյանի եղբոր ընտանիքին պատկանող կազմակերպություններից մեկին։ Մենք ունենք հետախուզման մեջ գտնվող ընտանիքի անդամներ, որոնց վերադարձվում է այդքան գումար, և իմ տվյալներով, սա միակ դեպքը չէ»,- ասաց Թանդիլյանը՝ կոչ անելով պատգամավորներին քվեարկությունից առաջ տրամադրել այն տնտեսվարողների ցանկը, որոնց հետ են վերադարձվելու գումարները։
«Լուսավոր Հայաստան» խմբակցության ղեկավար Էդմոն Մարուքյանը քվեարկությունից առաջ խնդրեց 20 րոպե ընդմիջում
Հիշեցնենք, որ Հարկային օրենսգրքի փոփոխությունների նախագիծն առաջին ընթերցմամբ խորհրդարանն ընդունեց սեպտեմբերի 20-ին՝ 92 կողմ, 0 ձեռնպահ ձայների հարաբերակցությամբ։
Մանրամասները՝ տեսանյութում:
