29.03.2026 | 22:16
Հրդեհ ավտոմեքենայում․ տուժածներ չկան
«Հանդիպման ժամանակ Փաշինյանին հայտնել ենք Ամուլսարի հարցով մեր տեսակետը». Ժիրայր Սեֆիլյան. ՏԵՍԱՆՅՈՒԹ
Քաղաքականություն
20.09.2019 | 19:02
«Սասնա Ծռեր» կուսակցության ղեկավար անդամ Ժիրայր Սեֆիլյանն առայժմ ձեռնպահ է մնում մեկնաբանել Արթուր Վանեցյանի և Վալերի Օսիպյանի պաշտոնանկությունները:
«Սպասենք, տեսնենք ընթացքը: Բայց որ դեպի լավ է ընթացքը, այդպես է երևում: Մենք պետք է հնարավորինս շուտ ինքնիշխան պետության վերածվենք: Կարծում եմ՝ այս քայլերը հօգուտ ինքնիշխանության են»,- լրագրողների հետ զրույցում ասաց Ամուլսարի հանքի շահագործման դեմ կազմակերպված ակցիային մասնակցող Սեֆիլյանը:
Հարցին՝ արդյո՞ք վարչապետ Նիկոլ Փաշինյանի հետ վերջին հանդիպման ժամանակ քննարկել են Ամուլսարի հարցը, Սեֆիլյանը պատասխանեց. «Անշուշտ՝ քննարկվել է: Մենք մեր տեսակետը հայտնել ենք, որ կտրականապես դեմ ենք»:
Նրա խոսքով՝ հույս ունեն, որ իշխանությունները հնարավորինս շուտ կհասկանան, որ սխալ է հանքը շահագործելը:
Մանրամասները՝ տեսանյութում:
