11.10.2026 | 19:18
Արարատ Միրզոյանն աշխատանքային այցով կգտնվի Լեհաստանում
«Որևէ դեպքում կոմպրոմիսների չեմ գնա». Ոստիկանապետի պաշտոնակատար. ՏԵՍԱՆՅՈՒԹ
Քաղաքականություն
20.09.2019 | 17:06
Կիրականացվեն անհրաժեշտ աշխատանքներ, որպեսզի թե՛ նախկին, թե՛ ներկա հնարավոր կոռուպցիոն ռիսկերը բացառվեն և բացահայտվեն։ Այս մասին այսօր ՀՀ նախագահի նստավայրում պարգևատրման արարողության ավարտին լրագրողների հետ զրույցում նշեց ՀՀ ոստիկանապետի ժամանակավոր պաշտոնակատար Արման Սարգսյանը։
«Այդ հանցավոր երևույթի դեմ պետք է պայքարել, որովհետև եթե արմատախիլ արվի համակարգված կոռուպցիան կամ չարվի վարչական ներքևների կոռուպցիան, դա չի ընկալվի որպես ամբողջական մոտեցում։ Պետք է ընդհանուր, կոմպլեքս լուծումներ տրվեն՝ թե՛ օրենսդրական, թե՛ աշխատանքային, ինչը, հույս ունեմ, կկատարվի»,- նշեց ոստիկանապետի ժամանակավոր պաշտոնակատարը։
Հարցին՝ ինչո՞ւ, ի վերջո, Վալերի Օսիպյանն ազատվեց ՀՀ ոստիկանապետի պաշտոնից, Արման Սարգսյանն այսպես պատասխանեց. «Կփորձեմ հանրության ընկալման մեջ Ոստիկանության դերի, նշանակության վերաբերյալ մոտեցումները որոշակի առումով լավացնել: Բնականաբար՝ դա ձգտում է, բոլորն են ձգտել: Փորձելու եմ հասնել ավելի լավ, ավելի բաղձալի արդյունքների»:
Նա ընդգծեց, որ որևէ դեպքում կոմպրոմիսների չի գնալու: «Դա իմ պարագայում կխնդրեմ բացառեք»,- հայտարարեց Արման Սարգսյանը:
Մանրամասները՝ տեսանյութում:
Նելլի Մելքոնյան
