06.06.2026 | 16:10
Դատախազությունը զգուշացնում է՝ վարժական հավաքից խուսափելը հանցագործություն է. այն պատժվում է 1-3 տարի ժամկետով ազատազրկմամբ
Արայիկ Հարությունյանը մերժել է ՀՅԴ-ի՝ Արցախի ընտրություններում համաձայնեցված թեկնածու ունենալու առաջարկը
Քաղաքականություն
20.09.2019 | 15:48
Հայ հեղափոխական դաշնակցության Արցախի կենտրոնական կոմիտեն Արցախի «Ազատ հայրենիք» կուսակցությանն առաջարկել է հանրապետությունում առաջիկայում կայանալիք նախագահական ընտրություններին նախագահի համաձայնեցված թեկնածու առաջադրելու նպատակով ազգային միասնական օրակարգ ձևավորել:
««Ազատ հայրենիք» կուսակցության նախագահ Արայիկ Հարությունյանը այդ առթիվ հայտնել է կուսակցության ունեցած դիրքորոշումը՝ նշելով, որ համաձայնեցված թեկնածուի շուրջ գաղափարն անընդունելի է իրենց համար: «Դաշնակցության հետ մեր քաղաքական հարաբերությունները բարձր եմ գնահատում, եւ առաջիկա ընտրական պրոցեսներում ու հետընտրական շրջանում անհրաժեշտ համագործակցության հնարավորություններ եմ տեսնում, բայց մեզ համար անընդունելի են համաձայնեցված թեկնածուի շուրջ բանակցությունները»,- նշել է Ա. Հարությունյանը:
ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը կարեւորել է ներկայացված օրակարգում ներառված համընդհանուր հարցերի շուրջ «Ազատ հայրենիք» կուսակցության ունեցած դրական մոտեցումները՝ ընդգծելով, որ նման կոնսուլտացիաները քաղաքական տեսակետների ճշգրտման համար արդյունավետ ձեւաչափ է համարում:
Կողմերը պատրաստակամություն են հայտնել գործադրելու բոլոր ջանքերը հանդուրժողականության եւ փոխադարձ հարգանքի մթնոլորտում նախագահական եւ խորհրդարանական ընտրությունների կազմակերպման համար: Հանդիպման ընթացքում քաղաքական ուժերի ներկայացուցիչները քննարկել են նաեւ հանրապետությունում առկա ներքաղաքական խնդիրներին վերաբերող հարցեր:
