06.06.2026 | 11:03
ՄԱԿ-ի Գլխավոր ասամբլեան միաձայն ընդունել է Հայաստանի ներկայացրած «Կրթություն հանուն խաղաղության» բանաձևը
«Նաիրիտ» գործարանն ու «Արմավիա» ընկերությունը պետությանը պարտք են ավելի քան 47 միլիարդ դրամ․ Դավիթ Անանյան․ ՏԵՍԱՆՅՈՒԹ
Տնտեսություն
20.09.2019 | 12:05
ՀՀ ԱԺ նախագահ Արարատ Միրզոյանի որոշմամբ և Կառավարության նախաձեռնությամբ այսօր գումարվել է Ազգային ժողովի արտահերթ նիստ, որի օրակարգում է ՀՀ հարկային օրենսգրքում փոփոխություններ և լրացումներ կատարելու մասին նախագիծը։
Ազգային ժողովի «Բագավաճ Հայաստան» խմբակցության պատգամավոր Սերգեյ Բագրատյանը խորհրդարանում Հարկային օրենսգրքի փոփոխությունները ներկայացնող ՊԵԿ նախագահ Դավիթ Անանյանից հետաքրքրվեց՝ որքա՞ն ապառք ունեն տնտեսվարողները ՊԵԿ-ին, որը առաջարկում է ՀՕ փոփոխություններով 56 միլիարդ դրամը վերադարձնել իրենց։
Ի պատասխան ՊԵԿ ղեկավարը նշեց, որ ժամկետանց պարտքերը կազմում են 1,4 միլիարդ դրամ, կա նաև մոտ 47 միլիարդի պարտավորություն, որոնք պատկանում են սնանկության վարույթում գտնվող երկրու տնտեսվարողների՝ «Նաիրիտ» գործարանին և «Արմավիա» ընկերությանը։
«Այդ 56 միլարդից 5,3 միլիարդը պատկանում է սնանկության վարույթում գտնվող 181 կազմակերպությունների, որոնցից երկուսը՝ «Նաիրիտ» գործարանը և «Արմավիա» ընկերությունը պետությանը պարտք են 47 միլիարդ դրամ։ Այսինքն՝ 50 միլիարդ վերադարձնում ենք տնտեսվարողներին, որից 1․4 միլիարդը հարկերի տեսքով հետ է գալու պետությանը»,- ասաց Անանյանը։
Մանրամասները՝ տեսանյութում։
Աղավնի Սուքիասյան
