27.09.2026 | 14:38
Համաշխարհային օլիմպիադա. Հայաստանի հավաքականները հաղթեցին վերջին տուրում
Լենա Նազարյանը հրաժարական չի տա
Քաղաքականություն
19.09.2019 | 23:00
ԱԺ փոխնախագահ Լենա Նազարյանը պատասխանելով parliament monitoring կայքի լրագրողի հարցին՝ հերքել է իր հրաժարական տալու մասին լուրը։
-Տիկին Նազարյան, մամուլն այսօր գրել էր Ձեր հրաժարականի մասին։ Ճի՞շտ է գրել։
-Ոչ, ճիշտ չէ: Դա ավելին է, քանի պարզապես ստահոդ լուրը: Դրա նպատակը խառնակչությունն է, անվստահություն սերմանելը ու ապակողմնորոշելը: Նպատակը հանրությանն ուղղված մեսիջն է, թե քաղաքական ուժն անկայուն է, անվստահ է, թիմի անդամները հուսալի չեն, հեսա-հեսա հրաժարական կտան կամ կհեռացվեն: Դրա նպատակը թիմի ներսում անվստահություն ու անկայունություն տարածելն է: Վերջին հիմնավորված հրաժարականների ֆոնին նման լուրեր տարածող, այսպես կոչված, լրատվամիջոցները օդում որսում են առիթը, որ կա՛մ իրականացնեն իրավիճակը ապակայունացնելու իրենց քաղաքականությունը, կա՛մ դրան ուղղված պատվերները, կա՛մ էլ հովանավոր են փնտրում՝ ուղիղ ասելով, որ պատրաստ են գումարի դիմաց ցանկացած սուտ, զրպարտություն, խառնակչություն, նենգափոխություն ու ապատեղեկատվություն տարածել: Անկեղծորեն մտահոգված եմ Հայաստանի լրատվական դաշտով, որը իրականում պետք է լինի հանրային շահի պաշտպանը, վերահսկողը և քննադատը: Բարեբախտաբար, բոլորը չեն փտած ճահճում լողում: Իրականում, հրաժարականի պատճառներ չկան և չեն լինի, քանի դեռ ես կատարում եմ այն հանձնառությունները, որոնք ստանձնել եմ հանրության և իմ գործընկերների առջև՝ պատգամավորական մանդատը ստանալիս:
