06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Հայաստանի 7 մարզերում ՏԻՄ ընտրություններ են
Հասարակություն
19.09.2019 | 21:42
2019 թվականի սեպտեմբերի 29-ին տեղական ինքնակառավարման մարմինների ընտրություններ են անցկացվելու Արագածոտնի, Արարատի, Արմավիրի, Գեղարքունիքի, Լոռու, Տավուշի և Շիրակի մարզերի 19 համայնքում, որոնցից 13-ում ընտրությունները հերթական են, իսկ 6-ում՝ արտահերթ: ՀՀ կենտրոնական ընտրական հանձնաժողովից հայտնում են, որ նշված համայնքներից 12-ում կայանալու են միայն համայնքի ղեկավարի, 6 համայնքում` միայն ավագանու անդամի, և մեկ համայնքում միաժամանակ անցկացվելու են համայնքի ղեկավարի և ավագանու անդամի ընտրություններ:
Սեպտեմբերի 19-ին՝ ժամը 18:00-ին, լրացել է ՏԻՄ ընտրությունների համայնքի ղեկավարի և ավագանու անդամի գրանցված թեկնածուների կողմից ինքնաբացարկի դիմումներ ներկայացնելու ժամկետը:
Սահմանված ժամկետում ընտրություններին որպես համայնքի ղեկավարի թեկնածու գրանցված 41 քաղաքացիներից 5-ը ներկայացրել է ինքնաբացարկի դիմում: Համայնքի ղեկավարի որևէ կին թեկնածու չի առաջադրվել:
ՏԻՄ ընտրություններին համայնքի ղեկավար ընտրող 13 համայնքներից մեկում քվեարկվելու է մեկ թեկնածու, 5 համայնքում՝ 2-ական թեկնածու, 4 համայնքում՝ 3-ական թեկնածու, 2 համայնքում՝ 4-ական թեկնածու և մեկ համայնքում քվեարկվելու է 5 թեկնածու:
Ավագանու անդամի գրանցված 103 թեկնածուներից ինքնաբացարկի դիմում է ներկայացրել 4 թեկնածու: Ընտրություններին մասնակցող ավագանու անդամի 99 թեկնածուներից 12-ը իգական սեռի ներկայացուցիչ են:
ՏԻՄ ընտրություններ անցկացնող համայնքների ցանկը՝ այստեղ:
