02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
«Մի քանի կոպեկով ուզում է գնել մեր զգացմունքները»․ քանդակագործ Վիգեն Ավետիսը՝ Մայր Աթոռում Սամվել Կարապետյանի կտավի մասին. ՏԵՍԱՆՅՈՒԹ
Հասարակություն
19.09.2019 | 14:18
Վերջերս Կոմիտասի անվան պանթեոնում էի։ Ցավալի էր, երբ տեսա Անդրանիկ Մարգարյանի հուշարձանը։ Անգամ եթե նրան ուզում էին Կոմիտասի կողքին հուղարկավորել, կարող էին մի փոքրիկ խաչ դնել։ Այս մասին այսօր «Հերոսների արձաններ, իսկ ովքե՞ր են հերոսները» թեմայով քննարկման ընթացքում նշեց քանդակագործ Վիգեն Ավետիսը։
«Պանթեոնում մի քանի արվեստագետ էլ կա, որոնք պետք է այնտեղ չլինեին, որովհետև այդպիսի մեծություններ չեն, միջակություններ են։ Անգամ եթե Կոմիտասի կողքին ես ուզում թաղվել, պետք է համեստությունը պահպանես»,- նշեց Վիգեն Ավետիսը։
Անդրադառնալով Մայր Աթոռ Սուրբ Էջմիածնի Վեհարանում Սամվել Կարապետյանի և նրա տիկնոջ կտավին, քանդակագործն ընդգծեց․ «100 միլիարդից 30 միլիոնը տվել է, դա իր համար ոչինչ է։ Իր ոչնչով, մի քանի կոպեկով ուզում է գնել մեր զգացմունքները։ Նրանք, ովքեր մեծարում են հարուստներին, ոչ թե արժեքներ ունեն, այլ՝ ակնկալիքներ։ Եկեղեցին պետք է պինդ լինի․ հոգևոր արժեքներին օգնելու ձև կա»։
Մանրամասները՝ տեսանյութում։
Նելլի Մելքոնյան
