08.03.2026 | 14:15
Իմ տղայի ծաղիկն եմ ուզում, իմ բալային եմ ուզում. անհետ կորածների մայրերի ակցիան` Մարտի 8-ին. ՏԵՍԱՆՅՈւԹ
ՀԱՊԿ-ի ղեկավարումը ստանձնելուց առաջ Զասը Բաքու է մեկնել
Քաղաքականություն
18.09.2019 | 18:17
ՀԱՊԿ ապագա գլխավոր քարտուղար, Բելառուսի Անվտանգության խորհրդի ղեկավար Ստանիսլավ Զասը Բաքու է մեկնել: Ադրբեջանի նախագահ Իլհամ Ալիևը հանդիպման ժամանակ վստահություն է հայտնել, որ Բելառուսի հետ հարաբերություններում դրական դինամիկան կպահպանվի նաև ապագայում:
«Մեր քաղաքական փոխգործակցության մակարդակը շատ բարձր է: Մեր հարաբերությունների հրաշալի գծերից է այն, որ մենք կայացնում ենք որոշումներ, սահմանում ենք դրանց իրականացման ուղիները և տեսնում ենք արդյունքներ»,- հանդիպման ընթացքում ասել է Ադրբեջանի ղեկավարը:
Նա նաև ընդգծել է, որ Բելառուսի անվտանգության խորհրդի ղեկավարի այցը Ադրբեջան «փոխադարձ հետաքրքրություն ներկայացնող հարցերը քննարկելու լավ հնարավորություն է»:
«Վստահ եմ, որ Ձեր այցը ներդրում կունենա մեր հարաբերությունների հետագա զարգացման գործում»,- ասել է Ալիևը:
