14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
«Պետությունը 500 մլն դրամ կտրամադրի՝ «Աղքատության փուլային հաղթահարում» ծրագրին»․ Զարուհի Բաթոյան. ՏԵՍԱՆՅՈՒԹ
Հասարակություն
18.09.2019 | 17:26
Սեպտեմբերին «Վորլդ Վիժն Հայաստան»-ը մեզ կաջակցի վերապատրաստել մեր աշխատակիցներին, ինչից հետո, Կառավարության հավանությունը ստանալու դեպքում, նախարարությունը 500 մլն դրամ կտրամադրի ևս 1000 ընտանիքի աղքատության փուլային հաղթահարման ծրագրում ընդգրկելու համար. այս մասին այսօր սղքատության հաղթահարմանն ուղղված նոր մոտեցումներին ու «Աղքատության փուլային հաղթահարում» ծրագրի արդյունքներին նվիրված ասուլիսի ընթացքում նշեց ՀՀ աշխատանքի և սոցիալական հարցերի նախարար Զարուհի Բաթոյանը։
«Կարևոր է, որ սոցիալական ծրագրերն իրականացվեն ոչ միայն հասարակական կազմակերպությունների, այլ նաև պետական ռեսուրսներով։ Հաճախ մենք մեզ հարց ենք տալիս՝ ինչո՞ւ մենք նմանատիպ ծրագրերը չենք իրականացնում պետական աջակցությամբ և ինչո՞ւ դրանք չենք դարձնում պետական քաղաքականություն։ Եթե հասարակական կազմակերպությունն ավելի քիչ ռեսուրսներով կարողացել է արդյունքի հասնել, ինչո՞ւ դա հնարավոր չէ անել ավելի մեծ մասշտաբներով ու համակարգային մոտեցմամբ։ Հենց այս հարցին ի պատասխան՝ ուզում ենք մշակել և իրականացնել ծրագրեր։ Խոսքն այնպիսի ծրագրերի մասին է, որոնք խրախուսում են աշխատանքը, հնարավորությունների տրամադրումը, մարդու կարողությունների զարգացումը։ Ցավոք, նման ծրագրերը պետական համակարգում շատ չեն»,- ընդգծեց նախարարը։
Մանրամասները՝ տեսանյութում։
Նելլի Մելքոնյան
