11.11.2026 | 00:31
Վարչապետը կմեկնի Թուրքիա. նա կմասնակցի COP31-ի շրջանակում անցկացվելիք Առաջնորդների գագաթնաժողովին
Արթուր Վանեցյանը չի բացառում իր՝ քաղաքականություն մտնելը. ՏԵՍԱՆՅՈՒԹ
Քաղաքականություն
17.09.2019 | 14:24
ԱԱԾ նախկին տնօրեն Արթուր Վանեցյանը վստահեցնում է, որ շատ մտածված և հստակ որոշում է կայացրել:
Factor.am-ի հարցին՝ քաղաքականությամբ զբաղվելու ցանկություն ունի՞, Վանեցյանն ասաց. «Երբ ես կայացրել եմ հրաժարականի որոշումը, ես չեմ խորհրդակցել որևէ քաղաքական ուժի հետ: Իմ հրաժարականի մասին ես խոսել եմ միայն իմ ընտանիքի՝ կնոջս, երեխաներիս և ծնողների հետ: Ես քաղաքականություն մտնելու կամ քաղաքական զբաղվելու հետ կապված այս պահին որևէ մեկնաբանություն չեմ անի: Ես այս պահին կենտրոնանալու եմ մեր ֆուտբոլի զարգացման ուղղությամբ»:
Նրա խոսքով՝ ժամանակ կանցնի, և ինքը որոշում կկայացնի:
«Այս կյանքում որևէ բան բացառել պետք չէ, բայց այս պահին ես զբաղվելու եմ միայն ֆուտբոլի առաջնությամբ»,- ասաց Արթուր Վանեցյանը:
Մանրամասները՝ տեսանյութում:
