23.07.2026 | 15:10
Նարեկ Կարապետյանի խափանման միջոցը՝ 1 մլրդ գրավ և բացակայելու արգելք // Հայ գերիներին ազատելու կոչ ԱՄՆ-ից․ ԼՈՒՐԵՐ
Արթուր Վանեցյանի հոր դեմ քրգործ չի հարուցվել․ ՊԵԿ
Հասարակություն
17.09.2019 | 14:55
Պետական եկամուտների կոմիտեն հերքում է մամուլում հայտնված այն տեղեկությունը, ըստ որի, քրեական գործ է հարուցվել ԱԱԾ նախկին տնօրեն Արթուր Վանեցյանի հոր՝ Գագիկ Վանեցյանի նկատմամբ։
«ԱԱԾ նախկին պետ Արթուր Վանեցյանի հոր՝ Գագիկ Վանեցյանի դեմ ՊԵԿ-ում հարուցված քրեական գործ չկա»,- Factor.am-ին փոխանցեցին ՊԵԿ-ից։
Հիշեցնենք, որ, ըստ մամուլի հրապարակման, Գագիկ Վանեցյանի դեմ նյութեր նախապատրաստվել են դեռ ամիսներ առաջ, սակայն դրանց ընթացք չի տրվել Արթուր Վանեցյանի՝ իշխանության մաս կազմելու պատճառով։
Հիշեցնենք, որ Գ․ Վանեցյանը գործարար է, նրան պատկանող ամենահայտնի ընկերությունը «Ավ Գրուպ» ՍՊԸ-ն է, որը զբաղվում է Հայաստան ծաղկեփունջ, ծաղիկներ, կոկոններ ու դեկորատիվ կանաչ ներմուծելով։
Աղավնի Սուքիասյան
