08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
ԱԱԾ տնօրեն և ոստինակապետ նշանակվելու համար անհրաժեշտ կլինեն պատգամավորին ներկայացվող չափանիշներ․ նախագիծն ընդունվեց 1-ին ընթերցմամբ
Քաղաքականություն
16.09.2019 | 13:52
ՀՀ Ազգային ժողովն այսօր առաջին ընթերցմամբ ընդունեց «Լուսավոր Հայաստան» խմբակցության ներկայացրած՝ «Ազգային անվտանգության ծառայության տնօրենի և Ոստիկանության պետի պաշտոնները քաղաքական համարելու» մասին օրենքի նախագիծը։
Առաջարկվող նախագծով նախատեսվում է և՛ Ազգային անվտանգության ծառայության տնօրենի, և՛ Ոստիկանության պետի պաշտոնը համարել քաղաքական պաշտոն՝ այդ պաշտոններում նշանակվող անձանց համար սահմանելով պատգամավորի թեկնածուին ներկայացվող պահանջներ:
Հիշեցնենք, որ նախագիծը ԱԺ-ում ներկայացնող ԼՀԿ-ական պատգավոր Տարոն Սիմոնյանի համոզմամբ՝ փոփոխությունների անհրաժեշտությունը պայմանավորված է նրանով, որ հետհեղափոխական հասարակություններում քաղաքական իշխանությունները հնարավորություն չեն ունենում իրենց մոտ վստահություն վայելող անձանց նշանակել այդ պաշտոններում և ստիպված են լինում այդ համակարգի ներսից ընտրել ղեկավար պաշտոնների թեկնածուներ, ինչը չի բխում պառլամենտական հանրապետության փիլիսոփայությունից։
