08.12.2025 | 17:22
IDBank-ը մասնակցել է Տնօրենների հայկական ինստիտուտի 10-րդ տարեդարձին նվիրված համաժողովին
Եթե ՀԱՊԿ անդամներից մեկին վտանգ սպառնա, մյուսները պետք է գան օգնության. Անատոլի Սիդորով
Քաղաքականություն
26.09.2017 | 20:02
ՀԱՊԿ անդամ երկրներից մեկի նկատմամբ սպառնալիքի դեպքում անդամ մյուս երկրները կկատարեն իրենց պարտավորությունները: Այս մասին այսօր լրագրողների հետ հանդիպմանն ասաց Հավաքական անվտանգության պայմանագրի կազմակերպության միացյալ շտաբի պետ, գեներալ-գնդապետ Անատոլի Սիդորովը:
«Դուք նորից ինձ պրովոկացիայի եք ենթարկում, ինչ-որ անհասկանալի հարց եք տալիս: Կա կոլեկտիվ անվտանգության պայմանագիր, կա այդ պայմանագրի կանոնադրությունը, և այդ պայմանագրի կարևորագույն տարբերությունը նմանատիպ պայմանագրերի և կազմակերպությունների հետ այն է, որ անդամ երկրները՝ ևս մեկ անգամ կրկնեմ՝ Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկիստանը հոժարակամ են վերցրել իրենց վրա պարտականություն, որ եթե որևէ մեկին վտանգ սպառնա, մյուսները պետք է գան օգնության: Նույնիսկ երազում չեմ ուզուն պատկերացնել, որ կարող է լինել այնպես, որ անդամներից մեկը խուսափի պատասխանատվությունից»,-վստահեցրեց ՀԱՊԿ Միացյալ շտաբի պետը:
Մանրամասները՝ տեսանյութում:
Շողիկ Գալստյան
