08.06.2026 | 18:20
Հայ ժողովուրդն ընտրել է Եվրոպային ավելի մոտ ապագա. Իսպանիայի վարչապետը շնորհավորել է Փաշինյանին
«Ռազբորկա»՝ «Իմ քայլի» և ԲՀԿ-ի պատգամավորների միջև. ՏԵՍԱՆՅՈՒԹ
Քաղաքականություն
13.09.2019 | 20:26
ԱԺ նիստի ժամանակ «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» օրենքում փոփոխություններ կատարելու քննարկման ընթացքում միջադեպ գրանցվեց:
ԲՀԿ-ական պատգամավոր Արթուր Դալլաքյանը հայտարարեց, որ տվյալ օրինագծում ճանապարհային երթևեկության անվտանգության ապահովման հարց չկա, քանի որ այն նպաստում է քաղաքացիների շրջանում «ատելության սերմանմանը»:
«Ե՞ս պետք է ձեզ ասեմ, որ այդպիսով մարդկանց մեջ թշնամություն եք գցում: Այդ օրինագիծն անբարոյական է: Դրանում բարոյական ոչինչ չկա»,- ասաց պատգամավորը:
Այնուհետև ԱԺ նիստերի դահլիճում աղմուկ բարձրացավ: Կարճատև լեզվակռվից հետո պատգավորները լքեցին նիստերի դահլիճն ու շարունակեցին հարաբերություններ պարզել միջանցքում: Ապա «ռազբորկան» տեղափոխվեց պատգամավոր Քաջիկ Գևորգյանի աշխատասենյակ:
Հիշեցնենք, որ օրինագծի էությունը հատուկ հավելվածի ստեղծման մեջ է։ Դրա օգնությամբ ցանկացած ֆիզիկական անձ առցանց կապի միջոցով կարող է Ոստիկանություն իրավախախտման մասին տեսանյութ ուղարկել, որից հետո Ոստիկանության աշխատակիցները, հիմնվելով ստացած նյութի վրա, կկարողանան խախտողի հանդեպ վարչական ակտ կազմել։ Իրավախախտման վերաբերյալ հայտնող քաղաքացու անձը գաղտնի է պահվելու:
Մանրամասները՝ տեսանյութում:
Նարեկ Կիրակոսյան
