29.03.2026 | 19:15
Իրանը սպառնում է հարվածներ հասցնել տարածաշրջանում ԱՄՆ-ի և Իսրայելի համալսարաններին
Պարո՛ն Խաչատրյան, զանգե՛ք ձերոնց ասեք՝ էսօրվանից Ոստիկանությունը ցրում են, սաղ մենք ենք անելու. Արման Աբովյան․ ՏԵՍԱՆՅՈՒԹ
Քաղաքականություն
13.09.2019 | 18:09
Ազգային ժողովի «Իմ քայլը» խմբակցության պատգամավոր Սիսակ Գաբրիելյանն ու Արմեն Փամբուխչյանը հեղինակել են օրենքի նախագիծ, որով առաջարկվում է փոփոխություն կատարել «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» օրենքում։
Ըստ նախագիծը ԱԺ-ում ներկայացնող պատգամավոր Սիսակ Գաբրիելյանի՝ նախագիծը նպատակ ունի այսկերպ ունենալ նաև ակտիվ քաղաքացիներ, որոնք չեն հանդուրժի անօրինությունը։
Ազգային ժողովի «Բարգավաճ Հայաստան» խմբակցության պատգամավոր Արման Աբովյանը դեմ է այս օրենքի նախագծին։ Ընդգծում է՝ ակտիվ քաղաքացին նա չէ, ով միշտ գնում է Ոստիկանություն, այլ նա, ով չի խախտում օրենքը։
«Ի՞նչ ենք անում, առաջարկում եք՝ վազելով գնալ քաղմա՞ս, կամ եթե հարևանը ժամը 8-ին քեֆ ա անում, զանգել գան՝ հավաքե՞ն։ Եթե դուք բերում եք կարգավորում, դուք քաղաքացու ձեռքը տալիս եք գործիք, իսկ հիմա հարցնում եմ՝ ճանապարհների որակը բավարարո՞ւմ է, որ վարորդը առանց խախտումներ անելու քշի, իհարկե՛, ոչ, լուսավորությունը բավարարո՞ւմ է՝ ոչ։ Դե, եթե էդպես է, եկեք ասենք, որ Ոստիկանությունը ցրում ենք, սաղ մենք ենք անելու, պարոն Խաչատրյան, զանգեք ձերոնց ասեք՝ էսօրվանից ցրվում են։ Այո՛, այս օրենքը հում է, այս օրենքը վատն է, մենք դեմ ենք»,- ասաց Աբովյանը։
Մանրամասները՝ տեսանյութում։
