«Նա, ով կլուծի ՍԴ հարցը, արժանի է Նոբելյան մրցանակի». Վլադիմիր Վարդանյան. ՏԵՍԱՆՅՈՒԹ

Factor.am -ի զրուցակիցն է ՀՀ ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը

 –Պարոն Վարդանյան, մենք Սահմանադրական դատարան ունե՞նք, թե՝ ոչ։

-Սահմանադրությամբ նախատեսված՝ այո, և ունենք Սահմանադրական դատարան, որը ձևավորվել է երեք Սահմանադրություններով՝ 1995-ի, 2005-ի և 2015-ի Սահմանդրության խմբագրություններով։ Սահմանադրական դատարանը, որը նախատեսված է այս Սահմանադրությամբ, դեռևս չի ձևավորվել։

-Այդ դեպքում ի՞նչ է նշանակում այն արտահայտությունը, որ այս Սահմանադրական դատարանը լեգիտիմ չէ։

-Ես չգիտեմ ով է այդ արտահայտությունը արել, մենք, այդուհանդերձ, առաջնորդվում ենք այն կարևորագույն սկզբունքով, որ ՀՀ-ին անհրաժեշտ է սահմանադրական արդարադատություն։

-Դուք տպավորություն չունե՞ք որ այդ արտահայտությամբ խաղում են ՍԴ հեղինակության հետ։

-Իհարկե, հնարավորինս պետք է զերծ մնանք այնպիսի գործողություններից, որոնք հեղինակազրկում են դատական իշխանությունը որպես այդպիսին։ Բայց դատական իշխանությունները, բարձրագույն դատական ատյանները, որոնց վրա որևիցե վերադաս չկա, պետք է հասկանան իրենց սահմանադրական պատասխանատվությունը, հասկանան իրենց լիազորությունները և չշեղվեն իրենց լիազորություններից։

-Ի վերջո որոշվե՞ց, թե ինչպես է լուծվելու ՍԴ անդամների հրաժարականի հարցը։

-Ինչպես դատական իշխանությունից իմ գործընկերներից մեկն ասեց՝ դա Նոբելյան մրցանակակրի հարց է։

-Այսինքն, ով կարողանա լուծե՞լ․․․

-Լուծումը բավականաչափ բարդ է, էդ պատճառով ասել է, որ Նոբելյան մրցանակ կարելի է տալ էն մարդուն, ով կարողանա լուծել նշված խնդիրը։

Զրուցեց Մհեր Արշակյանը