18.10.2026 | 18:54
Սպասելու ժամանակ չունենք․ Նիկոլ Փաշինյանը՝ COP17-ի բացման արարողությանը․ ՏԵՍԱՆՅՈւԹ
Պատգամավորների գրավոր հարցումներին պատասխանում են խիստ ուշացած․ Բագրատյանն առաջարկում է օրենքում փոփոխություն կատարել
Քաղաքականություն
13.09.2019 | 12:45
Ազգային ժողովում քննարկվում է «Բարգավաճ Հայաստան» խմբակցության պատգամավոր Սերգեյ Բագրատյանի ներկայացրած «ՀՀ Ազգային ժողովի պատգամավորի գործունեության մասին» օրենքում փոփոխություններ կատարելու մասին նախագիծը։
Նախագծի հեղինակն առաջարկում է օրենքի 6-րդ հոդվածի 2-րդ մասի 1-ին կետը շարադրել նոր խմբագրությամբ. տասնօրյա ժամկետում քննարկել պատգամավորի գրավոր հարցումը կամ առաջարկը և գրավոր պատասխանել նրան:
Ըստ Բագրատյանի՝ եթե գրավոր հարցման մեջ նշված տեղեկությունը տրամադրելու կամ առաջարկը քննարկելու համար անհրաժեշտ է կատարել լրացուցիչ աշխատանք, ապա այդ տեղեկությունը պատգամավորին է տրվում դիմումն ստանալուց հետո՝ երեսնօրյա ժամկետում՝ հարցումը կամ առաջարկը ստանալուց հետո՝ տասնօրյա ժամկետում պատգամավորին գրավոր տեղյակ պահելով հետաձգման պատճառների մասին:
Համապատասխան փոփոխութունը, ըստ նախագծի հեղինակի, բխում է նրանից, որ պատգամավորները ՏԻՄ-երի հետ աշխատանքում բազմաթիվ խնդիրներ են ունենում, որովհետև շատ դեպքերում իրենց գրավոր հարցումներին պատասխանում են խիստ ուշացած և այլևս ոչ ակտուալ պատասխաններ են տրվում դրանց։
Մանրամասները՝ տեսանյութում։
Աղավնի Սուքիասյան
