27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
«Պողոսի» կարծիքը կարևո՞ր է ԿԲ-ի համար․ Հայկ Կոնջորյանը՝ ԿԲ խորհրդի անդամին
Քաղաքականություն
12.09.2019 | 14:35
Ազգային ժողովում այսօր ընթանում է Կենտրոնական բանկի խորհրդի անդամի ընտրության հարցը: Նշենք, որ ԱԺ ֆինանսավարկային և բյուջետային հարցերի հանձնաժողովը ԿԲ խորհրդի անդամի պաշտոնում առաջարկել է Հասմիկ Ղահրամանյանի թեկնածությունը:
ԱԺ «Իմ քայլը» խմբակցության պատգամավոր Հայկ Կոնջորյանը թեկնածուից հետաքրքրվեց՝ ինչպիսի՞ վերափոխման պետք է ենթարկվի Կենտրոնական բանկի հանրային իմիջը, և ընդհանրապես դա կարևո՞ր է, թե՝ ոչ:
«Պայմանական ասած՝ «Պողոսի» կարծիքը կարևո՞ր է ԿԲ-ի համար»,- հարցրեց պատգամավորը։
Ի պատասխան՝ Հասմիկ Ղահրամանյանը նշեց, որ Կենտրոնական բանկի համար շատ կարևոր է ցանկացած քաղաքացու կարծիքը այդ կառույցի վերաբերյալ, քանի որ ԿԲ-ի նկատմամբ վստահությունը վստահություն է նաև ազգային արժույթի նկատմամբ։
«Մենք փորձում ենք ԿԲ-ի մասին կարծիք ձևավորել՝ ապահովելով թափանցիկությունը։ Ես, իհարկե, կարևորում եմ թիրախային հաղորդակցումը, որը մասամբ արվում է, սակայն ես ունեմ կոնցեպտ ավելի ընդլայնելու այդ հաղորդակցումը, որը մեզ կտա հետագայում ազդակ, թե ինչը կարելի է փոխել»,- ասաց Ղահրամանյանը։
