01.09.2026 | 23:48
ՀՀ նախագահը պաշտոնական այցով կմեկնի Չեխիա
56 միլիարդ դրամ դեբետային մնացորդ կվերադարձվի բիզնեսմեններին. ՏԵՍԱՆՅՈՒԹ
Տնտեսություն
12.09.2019 | 12:07
Կառավարությունը հաստատեց Հարկային օրենսգրքի փոփոխությունների նախագիծը, որով հնարավորություն է ստեղծվում ԱԱՀ-ի գծով 56 միլիարդ դրամ դեբետային մնացորդը վերադարձնել տնտեսվարողներին: Այս մասին Կառավարության նիստի ժամանակ ասաց ՊԵԿ ղեկավար Դավիթ Անանյանը:
Նախագծի մասին ավելի վաղ ֆեյսբուքի իր էջում գրել էր վարչապետ Նիկոլ Փաշինյանը: Նա նշել էր, որ հազարավոր ընկերություններ ունեն ԱԱՀ-ի դեբետային մնացորդներ, որոնք գոյացել են մինչև 2017 թվականի հուլիսի 1-ը: Դրանք այն գումարներն են, որ պետությունն ԱԱՀ-ի գծով պարտք է տնտեսվարողներին: Խոսքը մոտ 9 հազար տնտեսվարողների մասին է:
ՊԵԿ նախագահ Դավիթ Անանյանը նշեց, որ 56 միլիարդ դրամից 50 միլիարդը կվերադարձվի մինչև տարեվերջ: Վարչապետն առաջարկել է քննարկել Խորհրդարանի հետ հարցն արտահերթ ռեժիմով քննարկելու համար:
Մանրամասները՝ տեսանյութում:
Նարեկ Կիրակոսյան
