02.07.2026 | 19:10
Դիակի վրա կարող ա մարդուն բռնես՝ գնան արդարանան, դուրս գան․ Փաշինյանը՝ դատական համակարգի մասին․ ՏԵՍԱՆՅՈՒԹ
ՊԵԿ-ին նոր լիազորություններ տվող նախագիծն ԱԺ-ն ընդունեց առաջին ընթերցմամբ․ ՏԵՍԱՆՅՈՒԹ
Քաղաքականություն
12.09.2019 | 11:32
Ազգային ժողովը սեպտեմբերի 12-ի նիստի մեկնարկին քվեարկությամբ ընդունեց նախորդ օրերին քննարկված օրենքի նախագծերը։ Մասնավորապես խորհրդարանն առաջին ընթերցմամբ ընդունեց «Դեկտեմբերի 7-ը որպես երկրաշարժի զոհերի հիշատակի և աղետներին դիմակայունության օր նշելու մասին», «Հայաստանից օտարերկրացիներին արտաքսելու հիմքերն ավելացնելու մասին», «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» և մի շարք այլ օրենքների նախագծեր։
ՀՀ Ազգային ժողովն ընդունեց նաև «Վարչական իրավախախտումների վերաբերյալ ՀՀ օրենսգրքում լրացումներ կատարելու մասին» ՀՀ օրենքի նախագիծը, որով առաջարկվում է վարչական իրավախախտումների վերաբերյալ գործերի մասով պատասխանատվություն կիրառող մարմին ճանաչել հարկային մարմինը:
Նշենք, որ այս նախագծի վերաբերյալ «Լուսավոր Հայաստան» խմբակցության պատգամավոր Մանե Թանդիլյանը նշել էր, որ Առողջապահական և աշխատանքի տեսչական մարմնի լիազորություններն ընդլայնելու փոխարեն ընտրվել է աշխատողին որպես հարկ վճարող դիտարկելու ճանապարհը, որի հետ կապված էլ Պետական եկամուտների կոմիտեին տրվել են լիազորություններ՝ դարձնելով նրան «սուպեր կառույց»:
Նշենք, որ խորհրդարանի այս նստաշրջանի օրակարգի նախագծում ընդգրկվել է 57 հարց, որից քննարկվել է 40-ը։
Մանրամասները՝ տեսանյութում։
