14.12.2024 | 11:33
Արտարժույթների փոխարժեքները՝ դեկտեմբերի 14-ի դրությամբ
Պատգամավորն առաջարկում է պետբյուջեից որոշ հարկատեսակներ համայնքների բյուջեներ ուղղել․ ՏԵՍԱՆՅՈՒԹ
Քաղաքականություն
11.09.2019 | 18:16
Ներկայում Հայաստանի համայքներն ունեն սեփական եկամուտների և տեղական տուրքերի հավաքագրման շատ սահմանափակ հնարավորություններ, ինչը թույլ չի տալիս համայնքներին հոգալ սեփական կարիքները։ Հայաստանի համայնքները այդ պատճառով ստիպված են լինում սպասել Կառավարության կողմից տրվող ֆինանսական աջակցությանը, իսկ այդ պարագայում հարցր է առաջանում՝ հնարավոր է խոսել անկախ տեղական ինքնակառավարման մարմինների մասին։
Այս մասին այսօր Ազգային ժողովում Կառավարության հետ հարցուպատասխանի ժամանակ ասաց «Լուսավոր Հայաստան» խմբակցության պատգամավոր Արկադի Խաչատրյանը՝ որպես խնդրի լուծման տարբերակ առաջարկելով Կառավարության կողմից համայնքային բյուջեներ լրացուցիչ գումարների հատկացումը ։
«Ճիշտ կլինի քննարկել պետական բյուջեի որոշ հարկատեսակները համայքնային բյուջեներ ուղղելու հարցը, որը հնարավորություն կտա համայնքներին ինքնուրույնության և ակտիվության բարձրացման, սեփական եկամուտների ավելացման»,- ասաց պատգամավորը։
Մանրամասները՝ տեսանյութում։
