17.11.2024 | 11:44
Եթե ՀՀ-ն չի ցանկանում մասնակցել COP29-ին, ուրեմն որոշակի խնդիրներ ունի «կանաչ օրակարգի» հետ․ Հաջիև
Սա ուղղորդված միջոցառում է. Հայկ Մարությանը՝ «Սանիթեք»-ի աշխատակիցների բողոքի մասին. ՏԵՍԱՆՅՈՒԹ
Հասարակություն
10.09.2019 | 14:11
«Սանիթեք»-ում աշխատավարձեր չվճարելը պարբերական բնույթ է կրում, ընկերության աշխատակիցների ակցիան, ըստ իս, ուղղորդված միջոցառում է: Այս մասին լրագրողների հետ զրույցում ասաց Երևանի քաղաքապետ Հայկ Մարությանը՝ անդրադառնալով քիչ առաջ քաղաքապետարանի մոտ «Սանիթեք» ընկերության աշխատակիցների բողոքին: Հիշեցնենք, որ նրանք օգոստոսի աշխատավարձը դեռ չեն ստացել:
«Երևի «Սանիթեք»-ը փորձում է իր խնդիրները բարդել քաղաքապետարանի վրա։ Մենք մշտապես հորդորել ենք վճարել աշխատակիցների գումարները։ Այս անգամ նույնպես միայնակ չենք թողնի աշխատակիցներին, իրավաբանական օգնություն կցուցաբերենք, ինչով կարող ենք՝ կօգնենք։ Միաժամանակ, մենք մասնավոր ընկերության խնդիրների համար պատասխանատու չենք»,- ասաց Երևանի քաղաքապետը։
Հայկ Մարությանը հայտարարեց, որ մայրաքաղաքի սանմաքրման ծառայությունն այս պահին ակտիվորեն համալրում է իր շարքերը, աշխատանքի ընդունվել ցանկացող անձինք կարող են մոտենալ, հարցազրույցի մասնակցել և անցնել աշխատանքի։
Քաղաքապետը նաև հավաստեց, որ Երևանի քաղաքապետարանը պատշաճ կարգով փոխանցել է «Սանիթեք»-ի հասանելիք ավելի քան 3 միլիարդ դրամ գումարը՝ բացառությամբ 9 տոկոս տուգանքների:
Մանրամասները՝ տեսանյութում:
Նարեկ Կիրակոսյան
