11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
«Սանիթեք»-ի աշխատակիցներն աշխատավարձ չեն ստացել, քաղաքապետարանից գումար են պահանջում. ՏԵՍԱՆՅՈՒԹ
Հասարակություն
10.09.2019 | 13:25
«Սանիթեք» ընկերության աշխատակիցները բողոքի ակցիա են իրականացնում Երևանի քաղաքապետարանի դիմաց: Նրանք պնդում են, որ քաղաքապետարանը հրաժարվել է ընդունել օգոստոսի հաշիվ-ապրանքագրերն ու կատարողականները:
«Օգոստոս ամսվա աշխատավարձը չի փոխանցվել, մեր ղեկավարությունը մեզ տեղյակ է պահել, որ քաղաքապետարանից փոխանցում չի եղել»,- ասաց աշխատակիցներից մեկը։
Բողոքի ակցիա իրականացնող աշխատակիցներին մոտեցած Երևանի ավագանու «Լույս» խմբակցության անդամ Անի Խաչատրյանը նշեց, թե քաղաքապետարանը 5 միլիարդ 200 միլիոնից 250 միլիոնը չի տվել։
«Մի քանի օր առաջ «Սանիթեք»-ն ասում էր, որ դա մեր վառելիքի գումարն է, այսօր դարձավ արդեն աշխատավարձի գումարը»,- ասաց նա։ Ավագանու անդամի խոսքով՝ սա «Սանիթեք»-ի հերթական սաբոտաժն է Հայաստանի դեմ:
Բողոքող քաղաքացիների հետ հանդիպեցին նաև «Երևանի աղբահանություն և սանիտարական մաքրում» ՀՈԱԿ-ի տնօրենն ու բաժնի ղեկավարը, բողոքի ակցիայի մասնակիցներին առաջարկեցին աշխատանքի անցնել նորաստեղծ կառույցում:
Մանրամասները՝ տեսանյութում:
Նարեկ Կիրակոսյան
