19.12.2025 | 23:10
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
ՌԴ-ում հայկական վարորդական վկայականների խնդրի արագ լուծման ուղղությամբ աշխատանքներ են տարվում․ Շավարշ Քոչարյան․ ՏԵՍԱՆՅՈՒԹ
Քաղաքականություն
10.09.2019 | 12:47
Ազգային ժողովի «Իմ քայլը» խմբակցության պատգամավոր Վաղարշակ Հակոբյանը խորհրդարանի այսօրվա նիստում ԱԳ փոխնախարար Շավարշ Քոչարյանից հետաքրքրվեց՝ ի՞նչ փուլում է ՌԴ-ում ՀՀ քաղաքացիների վարորդական վկայականների հետ կապված խնդրի կարգավորումը։
«Ձեր հայտարարությունից հետո պարոն Զատուլինն ընդունեց, որ կա խտրական վերաբերմունք ՀՀ քաղաքացիների նկատմամբ: Ի՞նչ փուլում է հիմա այս խնդիրը»,- հարցրեց պատգամավորը։
Շավարշ Քոչարյանը պատասխանեց, որ սահմանափակումն իրականացվել է ռուսաստանյան օրենսդրությանը համապատասխան, այդ օրենքն այնպես է ընդունվել, որ ԵՏՄ անդամ պետություններից տարածվում է միայն Հայաստանի վրա:
«Այդ ուղղությամբ աշխատանքը շարունակվում է։ Այս հարցը քննարկվում է 2 ուղղությամբ՝ բազմակողմանի և երկկողմանի: Հարցը երկկողմանի մակարդակում է քննարկվում այն պատճառով, որ սահմանափակումը մտցվել է ռուսական օրենսդրության շրջանակում: Մենք հույս ունենք, որ կկարողանանք հասնել արդյունքի»,- ասաց նա:
Նշենք, որ ռուսական օրենսդրության համաձայն՝ Հայաստանի վարորդական վկայականները Ռուսաստանի տարածքում չեն ճանաչվում, եթե ավտոմեքենան օգտագործվում է վարձատրվող աշխատանքի համար։
Մանրամասները՝ տեսանյութում:
Աղավնի Սուքիասյան
