Ինչո՞ւ են հրատապ տրոհվում Հայկ Մարությանին կից խորհուրդները. ավագանու անդամ. ՏԵՍԱՆՅՈՒԹ

Երևանի ավագանին ավելացնելու է քաղաքապետին կից հասարակական խորհրդակցական մարմինների թիվը, որոնք տարբեր ոլորտներին առնչվող հարցերի շուրջ քաղաքապետի խորհուրդներ են տալիս:

Այսուհետ Երևանի քաղաքապետին կից գործելու են հետևյալ Խորհուրդները. համայնքի զարգացման հնգամյա ծրագրի և տարեկան բյուջեի կառավարման, քաղաքաշինական, շրջակա միջավայրի պահպանության, առևտրի և ծառայությունների, փոքր և միջին ձեռնարկատիրության զարգացման, առողջապահության, սպորտի և առողջ ապրելակերպի, սոցիալական պաշտպանության, կրթության, մշակույթի, զբոսաշրջության և երիտասարդության հարցերի:

Մինչև հիմա էլ այս խորհուրդներից մի քանիսը գործում էին, բայց ավագանին մի քանի ոլորտներ տարանջատում է: Կրթության, մշակույթի, զբոսաշրջության և երիտասարդության հետ տարվող աշխատանքների հարցերով զբաղվող հասարակական խորհրդից առանձնացվում է Երիտասարդության հարցերի խորհուրդը: Առանձնացվում է նաև Առողջապահության, ֆիզիկական կուլտուրայի և սպորտի խորհուրդը և ձևավորվում են Սպորտի և առողջ ապրելակերպի ու Առողջապահության առանձին խորհուրդներ:

Ավագանու ԲՀԿ խմբակցության անդամ Հռիփսիմե Առաքելյանը հետաքրքրվեց, թե այս խորհուրդների տրոհումն ի՞նչ է տալու համայնքին և ավագանիում առկա գլխադասային հանձնաժողովներին ի՞նչ օգուտներ է տալու: Ավագանու անդամը նախագիծը որակեց խորհուրդների հրատապ տրոհում:

«Իմ քայլ»-ից Գրիգոր Երիցյանն էլ ասաց, որ ոլորտային մասնագետները հնարավորություն կունենան քաղաքապետին մասնագիտական խորհուրդներ տալ:

Մանրամասները՝ տեսանյութում:

Նարեկ Կիրակոսյան