Քաղաքականություն
10.09.2019 | 11:12Ազգային ժողովի սեպտեմբերի 10-ի նիստում քննարկվում է ««2002 թվականի հոկտեմբերի 7-ի Հավաքական անվտանգության պայմանագրի կազմակերպության կանոնադրությունում փոփոխություններ կատարելու մասին» երկրորդ արձանագրությունը վավերացնելու մասին» հարցը, որը պատգամավորներին է ներկայացնում արտաքին գործերի փոխնախարար Շավարշ Քոչարյանը։
Այս արձանագրությամբ կարգավորվում է ՀԱՊԿ-ի գործընկեր և դիտորդ պետության կարգավիճակի հարցը։ Ըստ փոխնախարար Քոչարյանի՝ ՀԱՊԿ դիտորդ կամ գործընկեր կարող է ընտրվել միայն այն պետությունը, որի թեկնածության վերաբերյալ ՀԱՊԿ անդամ պետություններն ունեն կոնսենսուս։
Նախագծի վերաբերյալ կարծիք հայտնելիս պատգամավոր Արման Բաբաջանյանը նշեց, որ Ադրբեջանը կարողացել է հասնել նրան, որ Հայաստանի սահմանների ուղղությամբ կատարված ոտնձգություններին ՀԱՊԿ-ը չարձագանքի, մնա ձեռնպահ, ու հիմա վախ կա, որ Բելառուսի, Ղազախստանի, Ռուսաստանի համաձայնությամբ Ադրբեջանի՝ ՀԱՊԿ դիտորդ կամ գործընկեր դառնալու հարց կառաջանա, իսկ այդ դեպքում Հայաստանը կմնա միայնակ։
Մանրամասները՝ տեսանյութում։
Աղավնի Սուքիասյան
