23.06.2026 | 09:53
ՀՀ տարածքում ավտոճանապարհներն անցանելի են
Անհամաձայնությունները չպետք է որակել որպես ողբերգություն. Բակո Սահակյանը՝ Արցախի և ՀՀ իշխանությունների միջև հարաբերությունների մասին
Քաղաքականություն
08.09.2019 | 15:54
Բոլոր ընտրությունները մեր երկրին բերում են փառք ու պատիվ, բացառություն չեն լինելու այս ընտրությունները։
Այս մասին այսօր լրագրողների հետ զրույցում ասաց Արցախի նախագահ Բակո Սահակյանը՝ անդրադառնալով Արցախում ընթացող ՏԻՄ ընտրությունների մասին։
«Ավելի քան համոզված եմ, որ մենք՝ որպես ժողովրդավարության ուղին բռնած երկիր, արձանագրելու ենք մեր հերթական հաջողությունը, ցանկացած ընտրություն հնարավորություն է մեր երկրի առաջընթացը ապահովելու համար, եւ ես, բնականաբար, քվեարկել եմ մեր երկրի առաջընթացի համար»,-նշեց նա:
ԱՀ նախագահի խոսքով՝ Ստեփանակերտը ոչ միայն կերպարանափոխվել է, այլև ստացել է նոր եռանդ, ուստի նոր քաղաքապետն ու նոր քաղաքապետարանը պետք է ունակ լինի այս զարգացման դինամիկան ապահովելու լրացուցիչ պայմաններ քաղաքի զարգացման համար։
«Ես սիրում եմ Ստեփանակերտը ու պատասխանատուների հետ այս տարիների ընթացքում փորձել եմ քաղաքին հաղորդել այն ներուժը, որը կսնի ոչ միայն ստեփանակերտցիներին, այլև ամբողջ երկիրը»,-նկատեց նա:
Անդրադառնալով ՀՀ վարչապետ Նիկոլ Փաշինյանի այն հայտարարությանը, թե Արցախի իշխանության հետ անհամաձայնություններ կան, Բակո Սահակյանն ասաց. «Այդ անհամաձայնությունները չպետք է որակել որպես ողբերգություն: Մենք, բնական է, ունենք տեսակետներ ու այնտեղ, որտեղ այս կամ այն տեսակետները չեն համընկնում, ես դա վերագրում եմ մեր աշխատանքային հարաբերություններին»:
