18.10.2026 | 16:45
Սպիտակ տունն առաջարկել է ԵՄ-ին ավելացնել ռուսական գազի գնումները, իսկ Ուկրաինային՝ վերսկսել դրա տարանցումը․ NYT
«Ականատես»-ը կդիտարկի Արցախի ՏԻՄ ընտրությունները
Քաղաքականություն
06.09.2019 | 18:46
«Ականատես» դիտորդական առաքելությունն Արցախում իր գործընկեր «Քաղաքացիական հաբ» հասարակական կազմակերպության հետ համատեղ Արցախի Հանրապետությունում 2019 թ․ սեպտեմբերի 8-ին կդիտարկի տեղական ինքնակառավարման մարմինների ընտրությունները. տեղեկացնում է առաքելության հասարակայնության հետ կապերի բաժինը:
««Ականատես»-ի շուրջ 80 կարճաժամկետ դիտորդներ Արցախից և Հայաստանից կդիտարկեն քվեարկության նախապատրաստման, քվեարկության ընթացքի և արդյունքների ամփոփման գործընթացները Արցախի Հանրապետության 40 տեղամասերում։
Բացի տեղամասերից շրջիկ դիտորդների 10 խումբ կդիտարկեն քվեարկության գործընթացները դիտորդությունից դուրս մնացած տեղամասերում և տեղամասերին հարող տարածքներում, ինչպես նաև ըստ անհրաժեշտության կայցելեն թեկնածուների նախընտրական շտաբներ։
Քվեարկության օրը «Ականատես»-ը պարբերաբար կհրապարակի տեղեկատվություն քվեարկության գործընթացների վերաբերյալ առաքելության ֆեյսբուքյան էջում»,- ասված է հաղորդագրությունում:
